“Озон” эмчилгээ хийлгэсэн жирэмсэн эмэгтэй нас баржээ

0
174

Өнгөрөгч есдүгээр сард хувийн эмнэлэгт “Озон” эмчилгээ хийлгэсэн жирэмсэн эмэгтэй амь насаа алджээ. 

Энэ тухай Zindaa.mn сайт тодруулан мэдээлсэн байна.

Уг мэдээлэллд дурьдсанаар, Баянгол дүргийн нутаг дэвсгэрт байрлах нэр бүхий хувийн эмнэлэгт 27 настай, долоон сартай жирэмсэн эмэгтэй эмчилгээ хийлгэж байгаад амь насаа алдсан байна. 

Талийгаачид “Озон” эмчилгээ хийж дуусмагц ургийн хамт амьсгал хураажээ. Эх сурвалжийн мэдээллээр бол жирэмсэн эхийн гэдэс хэмжээнээсээ хэт томорсон байсан гэх бөгөөд яаралтай түргэн тусламжийн эмч нар ирэх үед гэдсэн дэх хий нь гарч дуусаагүй байсан ажээ.

“Озон” эмчилгээг дэлхийн улс орнуудад хэрэглэхийг хуулиар хориглосон байдаг аж. Харин манай улсад дээрх эмчилгээг 2018 оноос хойш туршилтаар хийж эхэлсэн бөгөөд Эрүүл мэндийн яамнаас энэ эмчилгээний тухайд ямар нэг заавар, удирдамж, стандарт батлаагүй байдаг аж. Өөрөөр хэлбэл, хувийн эмнэлгүүд дур мэдэн дээрх эмчилгээг хийсээр иржээ. 

“Ковид-19” халдварын нөлөөллөөс үүдэж өвдсөн хүмүүсийн цус өтгөрсөн байдаг учраас “Озон” эмчилгээг хийлгэж, цусаа шингэрүүлэх шаардлагатай гэдэг ойлголтыг иргэдэд өгснөөр энэ төрдийн хууль бус үйлчилгээ газар авсан аж.