Жүжигчин Ч.Болд царай зүс, бие бялдраараа залуу эрэгтэй жүжигчид дундаа л толгой цохино. Сүүлийн үед гарч байгаа кино болгонд уригддаг эрэлттэй жүжигчин Чоймболын Болд Наймдугаар Богд Жавзандамба хутагт хааны дүрийг бүтээж амжсан шинэ цагийн Богд. Тэрчлэн “Боолын гэрээ”, “Бодлын хулгайч” кинонд “Холливуд” Амараатай хосолсон. Тэрчлэн “Сүүн замын сахиул”, “Хүдэн”, “Богд хаан”, “Босго тотго” “Монголын сүүлчийн хаан” “Надтай гэрлээч”, “Гангстерүүд” зэрэг олон киноны голд дүрд тоглосон. Монголын олон ангит “Бид дөрвийн хайр”, “Мөрдөгч” цувралд тоглосон эрэлттэй жүжигчин.
Жүжигчин СТА Ч.Болд сүүлийн үеийн дэлгэцийн урлагт хүч үзэж олон ч сайхан уран бүтээлийн ард гарч эрч хүчтэй, авьяастай, чадварлаг монголын кино урлагт өөрийнх нь орон зай байх болно гэдгээ хугацаа өнгөрөх тусам харуулсаар байгаа нэгэн. Мөн л оюутан ахуй наснаасаа кино урлагт хөл тавьж өдийг хүртэл хийж бүтээсэн хөдөлмөрөө үнэлүүлэн СТА цолоор энгэрээ мялаасан.
Олны анхаарлыг татдаг сайхан залуу Ч.Болд элдэв аманд өртөөгүй нь эрт гэр бүлийн амьдрал зохиосонтой нь холбоотой. Болдын том охин нь өсвөр насных, өндрөөрөө ааваасаа ч дутахгүй өсгөлүүн сайхан охин бий. Жүжигчин Ч.Болдын анхны гэргий нь орос бүсгүй гэлцдэг ч олны өмнө харагдаж байгаагүй.
Жүжигчин Ч.Болд, “Honeymoon” хамтлагийн ахлагч, “Маск” хамтлагийн жүжигчин Б.Солонго нар өнгөрсөн онд сүр дуулиантайгаар нэг гэрт орж байсан бол өдгөө шинэ хүнээ өлгийдөж авсан мэдээ байна. Жүжигчин Ч.Болдын хувьд өмнөх эхнэрээсээ 2 охинтой.
Харин Б.Солонго нь “Flash” хамтлагийн дуучин Бэбэтэй багагүй хугацаанд хайр сэтгэлийн холбоотой байсан. Өнгөрсөн 2020 онд дэлхийн нийтэд цар тахал ид дэлгэрч байх үед БНСУ-д эрүү нүүрний гажиг засуулах мэс засалд ороод ирсэн юм.