Эрүүл мэндийн даатгалын сангаас зардлын төлбөрийг хариуцах амбулаторийн амны хөндийн тусламж, үйлчилгээний талаар ЭМДЕГ-ын ОНХХ-ийн ахлах мэргэжилтэн Б.Доржханд танилцууллаа.
Тэрээр “Эрүүл мэндийн даатгалын сангаас зардлын төлбөрийг хариуцах тусламж үйлчилгээний төлбөрийн хэмжээ ЭМДҮЗ-ийн 01 дүгээр тогтоолоор зохицуулагддаг.
Иргэн даатгуулагч амбулаторийн амны хөндийн тусламж, үйлчилгээг улсын эмнэлэг, аймгийн болон дүүргийн нэгдсэн эмнэлэг болон төрийн өмчийн төрөлжсөн нарийн мэргэжлийн эмнэлгээс авах боломжтой.
ЭМД-ын сангаас жилд гурав хүртэлх шүдний цогц тусламж үйлчилгээг 100% санхүүжүүлдэг” гэлээ.
Нэг шүдний эмчилгээг 48,000 төгрөгөөр тооцдог бөгөөд ЭМД-ын шимтгэл төлдөг бол улсын эмнэлэгт гурван шүдээ үнэгүй эмчлүүлэх боломжтой юм байна.
ЭМД-аар амны хөндийн тусламж үйлчилгээг үнэгүй үзүүлэх эмнэлгийн жагсаалтыг харах бол ЭНД дарна уу.