Монгол Улсын Ерөнхий сайд Л.Оюун-Эрдэнэ хичээлийн шинэ жилийн нээлтийн энэ өдөр зарим сургууль, цэцэрлэгийн үйл ажиллагаатай танилцжээ.
Тэрбээр эхлээд Баянзүрх дүүргийн “Нарны үрс” цэцэрлэгт очсон байна. Тус цэцэрлэг нь 2015 онд ашиглалтад орсон, 160 хүүхэд хүлээн авах хүчин чадалтай, нэмэлт элсэлтэд 60 хүүхэд хамруулан сургуулийн өмнөх боловсрол олгох аж.
Энэ жилээс цэцэрлэгийн бүртгэлийг анх удаа И-Монголиа цахим системээр хийж, 111.542 хүүхдийг хамруулах хүсэлт цахимаар илгээж, 90 гаруй хувь нь цэцэрлэгтээ элсжээ.
Нэмэлт элсэлтийг энэ сарын 10-наас бүртгэн, цэцэрлэгт хуваарилж бүх хүүхдийг цэцэрлэгт хамруулна. Нэмж 29 мянган хүүхэд цэцэрлэгт авах боломжтой юм байна. Сугалаагаар цэцэрлэгт хамрагддаг, бүртгүүлэх гэж эцэг эхчүүд хонон өнжин дугаарладаг байдал энэ хичээлийн жилээс ариллаа гэж ЗГ-ын Хэвлэлийн албанаас мэдээлэв.