Ипотекийн зээлийн асуудлаар Шадар сайд С.Амарсайхан хэвлэлийнхэнд дараах мэдээллийг өглөө.
Тэрбээр “Ипотекийн зээлийг банкууд зогсоох ёсгүй гэж үзэж байна. Яагаад гэвэл МонголБанк болон Санхүүгийн зохицуулах хорооноос бидэнд өгч байгаа мэдээллээр санхүүжилт гардгаараа гарч байгаа. Харин ямар хэмжээтэй, яаж гаргах вэ гэдэг нь тухайн банкны асуудал.
Өнгөрсөн онд Засгийн газраас хоёр их наядын санхүүжилтийг ипотекийн зээлд 6 хувийн хүүтэй гаргаж өгсөн. Гүйцэтгэл нь оны эхний улирлын байдлаар 60 хувьтай байна. Монголбанкнаас сар болгон 30 тэрбум төгрөгний санхүүжилт гарч байгаа” гэв.