УИХ-ын гишүүн М.Оюунчимэг сургуулийн хүүхдүүдийг биеийн тамирын хичээлд амны хаалттай орохгүй байхыг зөвлөжээ.
Тэрбээр, “Урлаг, соёл, спортын арга хэмжээн дээр сурагчдыг амны хаалтаа авахыг зөвлөж байгаа ч маскаа зүүгээд сурчихсан хүүхдүүд масктайгаа байна гэдгийг багш нарын зүгээс хэлж байна. Дулааны улирал болж байгаа тул гадна орчинд биеийн тамирын хичээлийг орох нь зөв.
Дотор орчинд маскгүй байх нь эрсдэлтэй гэдгийг Эрүүл мэндийн яамны зүгээс хэлж буй. Ковидын хөнгөн хэлбэрээр өвчлөх явдал сургуулийн хүүхдүүдийн дунд байсаар байна. Тиймээс болгоомжтой байхад илүүдэхгүй. Харин биеийн тамирын хичээл дээр маск зүүгээд гүйнэ гэдэг байж болохгүй зүйл. НББХ-ны хуралдаанаар ЭМЯ-ны зүгээс хүүхдүүдийн дунд хүчилтөрөгчийн дутагдал, Д амин дэмийн дутагдал маш их байна гэж байна. Тиймээс хүүхдүүд агаарт байх нь чухал” гэлээ.
