УИХ-ын нэгдсэн чуулганаар Үндэсний их баяр наадмын тухай хуулийн шинэчилсэн найруулгыг хэлэлцэж байна.
Энэ үеэр ХЗДХ-ийн сад Х.Нямбаатар “Допингтой холбоотой зохицуулалтыг “ВАДА”-гийн дүрмээр явъя гэдэг зохицуулалтыг хуульд тусгасан. Энэ дүрмээр явахын тулд өөрийн гэсэн итгэмжлэгдсэн лабораториудтай болох шаардлага цаашид үүснэ. Бид дэлхий нийтийн жишигт шилжих шаардлагууд үүсч байгаа. Энэ удаагийн Үндэсний их баяр наадмын тухай хуулиар үндэсний спортын төрлүүдийг спорт гэсэн агуулгаар томъёолж байгаа юм. Ингэснээр “ВАДА”-гийн дүрэм үйлчилнэ. Өнөөдрийн байдлаар бид БНСУ-ын “ВАДА”-гийн итгэмжлэгдсэн лабораторид допингийн шинжилгээг хийлгэж байгаа. Цаашид хөрөнгө, боломж нь бүрдвэл додооддоо итгэмжлэгдсэн лабораторитой болох боломж бүрдэнэ.
Мөн монгол морины стандартын тухай асуудал яригдаж байгаа. Үндэсний баяр наадмынг зохицуулах хороо монгол морины өндрөөр нь Улсын их баяр наадамд уралдуулъя гэсэн стандарт тогтоогоод даагыг 127 см-ээс илүүгүй, их морь, соёолонг 141 см-ээс илүүгүй байхаар заасан. Үйлдвэрлэг байдлын стандарт тогтоож байсан он жилүүдэд АТГ-т олон асуудал үүссэн. Энэ нь харьцангуй субьектив байдлаар асуудалд ханддаг. Цусны геномын дарааллыг тогтоосон стандарт өнөөдөр байхгүй. Тиймээс энэ хуулиар цаашид монгол морины геномын дарааллыг тогтоож, стандарт тогтоох ёстой гэдгийг үүрэгжүүлж, энэ хүртэлх шилжилтийн үед морины өндрөөр уралдуулаад явна гэсэн зохицуулалтыг тусгасан. Морины генийн дараалал тогтоох ажлыг хийхэд хугацаа их зарцуулна” гэлээ.