Нийслэлийн Хан-Уул дүүргийн 15 дугаар хороонд явган хүний гарцанд тулгасан 16 давхар барилга баригджээ. Тус барилга нь хүний эрүүл, аюулгүй орчинд амьдрах эрхийг зөрчиж байгаа нь ихээхэн шүүмжлэл дагуулаад байна.
Үүнтэй холбогдуулан УИХ-ын гишүүн Б.Энхбаяр өөрийн байр сууриа илэрхийлжээ. Тэрбээр, өөрийн цахим хуудаснаа “Хэрэв энэ АТГ-ын ажилтнуудын байр бол тун харамсалтай байна. Газрын мафитай тэмцэх дээр манлайлах манлайллаа ийм байдлаар авлигдуулж болохгүй. Төрийн 106 байгууллага өөрийн эзэмшлийн 90 га газарт орон сууц барьж зарсан байна, энэ бол авлига, үүнийг таслан зогсооё гэж хууль санаачлаад явж байхад…” хэмээн нийтэлжээ.
