Коронавируст халдварын үед болон дараа ямар хоол хүнс тохиромжтой, ямар хоол хүнснээс татгалзах талаар зөвлөмжийг хүргэе.
Хэрэв халдварын улмаас үнэрлэх мэдрэмжээ алдсан бол нимбэг, сарнай, лиш цэцэг, эвкалиптыг тус бүр 20 секундын турш өдөрт хоёр удаа үнэрлэхийг зөвлөж байна.
Харин амтлах мэдрэмжээ нэмэгдүүлэхийн тулд чинжүү, нимбэгний шүүс, яншуй, цоохор майлз, сармис, цагаан гаа, синнамон хоолондоо нэмж хэрэглэх хэрэгтэй. Гэхдээ ходоодны сөөргөөг өдөөх эрсдэлтэй тул болгоомжтой хэрэглэх нь чухал.
Хоолоо хэт халуунаар биш, уурыг нь дарж хэрэглэх нь чухал.
Амтлах болон үнэрлэх мэдрэмж сэргээх хүнсний бүтээгдэхүүнд дараах зүйлс багтана:
-Хүрэн манжин
-Самар, хушга, алмонд
-Авокадо
-Элэг
-Сүү, сүүн бүтээгдэхүүн
-Шош
Халдварын дараа биеийн дархлааг дэмжих хоол хүнсэнд:
-Өгнөөний цайнд сүү, сүүн бүтээгдэхүүн, будаа овьёос, бүхэл үрийн талх, гурилан бүтээгдэхүүн, цөцгийн тос, жимсний чанамал, өндөг, арвайн гурил хэрэглэх,
-Жимсний шүүс, бүх төрлийн цай, сүү зэрэг шингэн зүйлсийг аль болох халуун, бүлээнээр уух,
-Тараг, аарц, зөөхийй, шар тос, ааруул, ээзгий, ээдмийг тогтмол хэрэглэх,
-Адуу, үхэр, хонь, тахианы махыг өдөр тутамдаа тохируулж хэрэглэх
-Өдөрт 6-8 аяга ус уух
Коронавируст халдварын дараах цус шингэлэх хооллолтод:
-Турмерик нь цус шингэлэх, үрэвслийн эсрэг үйлчилгээтэй
-Сармис нь нянгийн эсрэг үйлчилгээ үзүүлдэг байгалийн антибиотик бөгөөд цусны бүлэн үүсэхээс сэргийлнэ
-Цагаан гаа нь байгалийн салицалит агуулдаг тул цус шингэлэх үйлчилгээ үзүүлдэг
-Синнамонд агуулагдах кумарин, варфарин хэмээх бодис нь цус шингэлэх өвөрмөц үйлчилгээтэй. Варфарин нь цус шингэлэх эмийн найрлагын чухал бүрэлдэхүүн хэсэг юм.
-Улаан чинжүү нь байгалийн салицилатыг их хэмжээгээр агуулдаг тул цус шингэлэх үйлдэлтэй.
-Е амин дэмээр баялаг хүнс цус өтгөрөлтийг бууруулдаг.
