Өчигдөр Бээжин-2022 олимпын уран гулгалтын эмэгтэй ганцаарчилсан төрлийн аваргууд тодорлоо. Эмэгтэйчүүдийн ганцаарчилсан төрлийн чөлөөт үзүүлбэрийн үеэр Оросын уран гулгагч Александра Трусова “гайхалтай” үзүүлбэр толилуулав. Тэрбээр дөрвөлсөн үсрэлтийг таван удаа хийж, Олимпын наадмын дээд амжилтыг тогтоосон юм.
Гэвч тэрбээр хоёрдугаар байранд орсон. Учир нь Александра чөлөөт үзүүлбэртээ хамгийн өндөр болох 177,13 оноо авсан ч богино үзүүлбэртээ дөрөвт бичигдсэний улмаас нийлбэр дүнгээр эхний байранд орж чадаагүй юм.
Телевизийн шууд нэвтрүүлгийн дундуур тэмцээний дараа медальгүй хоцорсон Камила Валиева уйлж байгаа нь гарч, дэргэд аварга болж чадаагүй Трусова мөн л уйлж байгаа нь бичигджээ.
“Орос пуужин” хэмээн нэрлэгддэг Трусова “Би дахиж хэзээ ч мөсөн дээр гарахгүй. Би энэ спортыг үзэн ядаж байна.
Надаас бусад нь бүгд медальтай. Би яагаад алтан медальгүй юм бэ. Үзэн ядаж байна” гэжээ. Түүнийг асгалжуулагч нь тайвшруулах гэж оролдсон ч бүтсэнгүй.
