Манай улсад ахмад настны тоо 313 мянга болж, нийт хүн амын 10,4 хувийг эзэлж байна. Ахмад настнуудын 140 орчим мянга буюу 42,4 % нь эрэгтэйчүүд, 190 орчим мянга буюу 57.6 % нь эмэгтэйчүүд байдаг гэнэ. Улсын дунджаар ахмад настны 37,2% нь гэрт, 23,7% нь орон сууцанд, 38,0% нь сууцны тусдаа байшинд, 1,1% ньбусад тѳрлийн сууцанд амьдарч байна. Нийт ѳндѳр настны тэтгэвэр авагчдын 29% нь эрэгтэйчүүд, 71% нь эмэгтэйчүүд байна. Харин тэдний тэтгэврийн доод хэмжээ одоогийн байдлаар 350 000 тѳгрѳг аж. \2017 oны статистикийн мэдээ\
…Насаараа улсад ажил хѳдѳлмѳр эрхэлж залуу насны гоо үзэсгэлэн, эрч хүч, хүсэл мѳрѳѳдлѳѳ зориулчихаад ѳдгѳѳ сардаа 350 000 тѳгрѳгийн тэтгэвэр аваад үлдсэн амьдралын ѳртгѳѳ залгуулж буй Монголын ѳндѳр настнууд үнэхээр ѳрѳвдѳм. Ядуу улсын ядуу хѳгшчүүд хугас амьдралынхаа зовлонг дээшээ хэлье гэмээ нь тэнгэр хол, доошоо шивнэе гэмээ нь газар хатуу.
Насны эрхээр нүүрэнд нь атриатсан үрчлээ, толгойд нь буусан буурал хяруу, хувь заяатайгаа эвлэрсэн гунигтай харц, амьдралын нугачаанд бүдчин алхах алхааг бид анзаардаг бил үү? Ѳѳрсдийгѳѳ мѳнхийн залуу гэж итгэдэг залуус тэднийг үргэлжийн үргэлж тийм л байсан юм шиг тохуудуу харцаар харж ѳрѳвдѳнѳ.
Нэг л цагт энэ тавилан ѳѳрт нь ирнэ гэж боддог ч үгүй тэд, нэгэн цагт энэ хѳгшчүүд ѳѳрѳѳс нь илүү гоо үзэсгэлэнтэй, эрч хүчтэй, бардам омголон байсан гэж тѳсѳѳлѳх ч үгүй. Аав ээж нь тэтгэвэрт гарахад хүүхдүүд нь хамгийн ихээр баярладаг. Гэр орныг нь цэвэрлэж, хүүхдүүдийг нь асарч, ажлаас нь ирэхэд хоол цай бэлэн байдагт нь тэдэнд талархдаг.
Угаасаа л тэгэх ёстой гэсэн бодолдоо хааяа орлогоосоо илүүчилж хэдэн тѳгрѳг ѳгѳхдѳѳ их тус болж байна хэмээн бодно. Гэвч тэдний дотор ямархан их шаналал гуниг хуралдаж үе үехэн яагаад санаа алдаж буйг ч анзаарахгүй. Хааяа найз хѳгшчүүдтэйгээ жаахан тоглож наргиад оройтвол бухимдана, халамцуу байвал ичиж уурлана, хэн нэгэнтэй сэтгэл дотносвол ѳмнѳѳс нь ичиж тэнэгтэнэ.
Яг л ѳѳрийг нь бага байхад аав ээжийнхээ гаргасан үйлдлийн хариугаа авч буй мэт давтаж байгаагаа анзаарахгүй. Үр хүүхдүүдээ тэжээж амьдралаа авч явах гэж ядартлаа зүтгэж зүтгэж амсхийсэн тэдний сэтгэл зүрхийг, хүсэл мѳрѳѳдѳл, баяр баясгаланг тэд гэртээ хорьж хязгаарлана. Хүсэл мѳрѳѳдлѳѳ гүйцэлдүүлэх мѳнгѳ байхгүй болохоор аажим аажимдаа тэдний гарыг харж л амьдарна.
Хааяа хамтдаа хѳдѳѳ эсвэл гадаад явахдаа баярлах гэвч бас л хүүхдүүдийнхээ ая тухад захирагдана. Ингэсээр хувь заяатайгаа эвлэрч нэг л мэдэх дор ач зээ, эм тариа, даралт, элдэв ѳвчин хуучийн тухай л ярих болсноо ѳѳрѳѳ ч үл анзаарна. Гунигтай байгаа биз?
Америкт аялж явахдаа аялагчдын ихэнхи нь ѳндѳр настнууд байхыг анзаарсан. Тэд гэр бүлээрээ бас найзуудаараа эрхэмсэг нь аргагүй явцгаана. Бас олон казинонуудад ѳндѳр настнууд тоглож байдаг. Уйдахдаа тэнд ѳдѳр ѳнгѳрѳѳдѳг гэсэн.
Ѳндѳр настнуудын асрамжийн газар нь ѳндѳр настнуудад ѳѳрийн үе тэнгийнхэнтэй хамтдаа хѳгжилтэй амьдрах боломжийг бүрдүүлсэн орчин юм билээ. Тэд тэнд л ѳѳртэй нь адилхан амьдрал туулсан хамгийн сайн ойлголцож чадах хүмүүстэй хамтдаа байхдаа сэтгэл нь ѳег байдаг байх.
Зарим нь ѳѳрийн хаусандаа асрагч хѳлсѳлж үйлчлүүлнэ, эгээ л хаан хатан мэт. Сэтгэлийн элдэв дарамт шаналгаагүйгээр ѳѳрийн хүссэнээрээ амьдарч байгаадаа тэд эрхэмсэг бардам байдаг аж. Хичнээн ихээр хѳдѳлмѳрлѳж тэр хэрээрээ татвараа тѳлсѳн тэдний тэтгэвэр нь үлдсэн насанд нь элбэг хүрэлцдэг.
Тэтгэврийн болон амьдралын олон даатгал, үл хѳдлѳх болон хѳрѳнгийн зах зээл дээрх тэдний оролцоо энэ боломжийг тэдэнд бүрдүүлж ѳгдѳг. Хѳгшчүүдийг хулхидана гэдэг ойлголт тэнд байхгүй. Шударгаар хѳдѳлмѳрлѳснийхээ үр шимийг шударгаар хүртэнэ гэдэг бол тэдэнд үйлчлэх ёстой зарчим.
Монголын ѳндѳр настнуудын тэтгэврийн доод хэмжээ болох 350 000 тѳгрѳгийг 500 000 тѳгрѳг болгон нэмэгдүүлэх гэж бѳѳн сүр болж байнаа. Нэг л их буян үйлдэх гэж буй гэгээнтнүүд адил. Зарим нь тѳвѳгшѳѳн эсэргүүцэж байна. Уучлаарай, ядуу орны иргэд ядуу байж болох ч насаараа хѳдѳлмѳрлѳсѳн хѳгшчүүд ч бас л ядуу амьдрах ёстой гэж үү? Ѳндѳр настнуудад хандах хандлага сэтгэлгээгээ ѳѳрчилцгѳѳе ѳѳ. Тэд нэгэн цагт одоогийн чам шиг гоо үзэсгэлэнтэй, эрч хүчтэй, омог бардам онгиргон, бас хичээл зүтгэлтэй бүтээлч залуус явсан юм аа. Бас ѳѳрийн хүсэл мѳрѳѳдѳл, хѳдѳлмѳр зүтгэл, цэл залуу насаа энэ улсын хѳгжил дэвшлийн тѳлѳѳ зориулсан гавъяатай хүмүүс. Тэдэнд одоо одон тэмдэг, алдар цол хэрэггүй ээ. Харин мѳнгѳ хэрэгтэй.
Тэд ѳѳрийн хүссэнээрээ аялж, ѳвдѳхдѳѳ асруулах, хѳгжилтэй зугаатай амьдрах боломжийн баталгаа хэрэгтэй. Тэдний тѳлѳѳ боломжтой бүхнийг хийх хэрэгтэй. Учир нь чи ч хэзээ нэгэн цагт хѳгширч тэдний зовлонг мэдэрнэ, эргэлзэх хэрэггүй. Тэр үед энэ хэвээрээ байвал харамсалтай биз дээ?
Удахгүй цагаан сар боллоо. Ѳндѳр настнуудынхаа насыг хүндэлж, ѳѳрсдийг нь тѳрүүлж ѳсгѳсѳн тус дэмд нь талархаж, хайрлаж энхрийлсэн их хайранд нь мѳргѳн сѳгддѳг аугаа уламжлал монголчуудад л байдаг. САР ШИНЭДЭЭ САЙХАН ШИНЭЛЭЭРЭЙ
Харнууд овгийн Гомбосүрэнгийн Галбадрах
2022-01-31
