Засгийн газрын 2021 оны 4 дүгээр сарын 8-ны өдрийн 93-р болон 5 дугаар сарын 5-ны өдрийн 122-р дугаар тогтоолоор бүх нийтийн бэлэн байдлын зэрэгт шилжүүлсэнтэй холбогдуулан орлого, дархлааг дэмжих, иргэдийг вакцинжуулах зорилгоор Монгол Улсын иргэн бүрт 300 мянган төгрөгийн мөнгөн дэмжлэг, вакцин хийлгэсэн иргэн бүрт 50 мянган төгрөгийн мөнгөн урамшууллыг тус тус нэг удаа олгохоор болгосон билээ.
Гэвч зарим цөөн тооны иргэд дээрх сайтад мэдээллээ буруу оруулсан, мөн зарим иргэд бүртгэлгүй байсан зэргээс болж авч чадаагүй байна.
Тиймээс 300 мянган төгрөгийн мөнгөн дэмжлэг, вакцины урамшууллаа аваагүй иргэд 2021 оны 12-р сарын 27-ны 23:59:59 цагаас өмнө www.ebarimt.mn/300 цахим хуудсанд хүсэлтээ гаргахыг Сангийн яамнаас санууллаа.
Хүсэлтээ гаргасны дараа “шалгах” цэсээр хүсэлтийг хэрхэн шийдвэрлсэн талаарх мэдээллийг авах боломжтой.
