ЭМДЕГ-ын Эрх зүйн асуудал хариуцсан ахлах мэргэжилтэн Т.Одонтогоогийн өгсөн мэдээллийг сийрүүлэн хүргэж байна.
Т.Одонтогоо: Эрүүл мэндийн даатгалын тухай хууль 2015 оны 7-р сарын нэгний өдрөөс хүчин төгөлдөр мөрдөгдөж эхэлсэн. Уг хуулиар эрүүл мэндийн даатгалыг албан журмын болон сайн дурын нэмэлт даатгал гэсэн хоёр төрөлд хуваасан.
Албан журмын даатгал гэж юу вэ?
Эрүүл мэндийн албан журмын даатгал нь даатгуулагчийн төлсөн шимтгэлийн хэмжээнээс үл хамааран эрүүл мэндийн улмаас даатгуулагчид үүссэн санхүүгийн эрсдэлийг хуваалцах эв санааны нэгдлийн зарчимд тулгуурлана.
Монгол Улсын иргэн эрүүл мэндийн улмаас учирч болзошгүй санхүүгийн эрсдэлээ хуваалцах зорилгоор эрүүл мэндийн албан журмын даатгалд заавал даатгуулна.
Өмчийн бүх хэлбэрийн аж ахуй нэгж, шашны байгууллага, төрийн болон төрийн бус байгууллагад ажиллаж байгаа гадаадын иргэн харьяалалгүй хүн болон Монгол Улсын нутаг дэвсгэрт үйл ажиллагаа явуулж байгаа гадаадын байгууллага, дипломат төлөөлөгчийн газар, олон улсын байгулллага, төсөл хөтөлбөрийн нэгжид ажиллаж байгаа гадаадын иргэн харьяалалгүй хүн албан журмын даатгалд хамрагдана. Дээрхээс бусад гадаадын иргэн харьяалалгүй хүн өөрөө хүсвэл эрүүл мэндийн даатгалын албан журмын даатгалд хамрагдаж болно.
Эрүүл мэндийн даатгалын тухай хуульд заасан шимтгэлийн хувь, хэмжээ төлбөрийн журмын дагуу албан журмын даатгалд хамрагдана.
Эх сурвалж: ЭМДЕГ
