Энэ удаагийн “Монгол брэнд” буландаа эх орондоо цүнх үйлдвэрлэгчдийг онцолж байна.
“MR” брэнд
FB хаяг: MR brand
“SRB” компанийн арьсан цүнхний “MR” брэнд үүсгэн байгуулагдаад 10-аад жил болж байна. Тус бренд эрэгтэй, эмэгтэй, хүүхдийн, аяллын, ажил хэргийн, гоёлын 70 гаруй төрлийн цүнх, 30 гаруй төрлийн хэтэвч, түлхүүрийн оосор гэх мэт жижиг эдлэлийг Монголдоо боловсруулсан арьс ширээр үйлдвэрлэдэг.
“Яруу” брэнд
FB хаяг: Яруу арьсан эдлэлийн үйлдвэр, Яруу брэнд
Яруу брэнд нь Монгол үхрийн арьсаар гар урлал болон үйлдвэрийн аргыг хослуулан бүтээгдэхүүн үйлдвэрлэдэг. Цүнхнээс гадна түрийвч , тэлээ болон бусад жижиг хэрэглэлүүд үйлдвэрлэдэг байна.
“Livon” брэнд
FB хаяг: LIVON
“Livon” брендийг үүсгэн байгуулагч Б.Үнэнбаяр ШУТИС-д Арьсан эдлэлийн технологи, дизайнерын мэргэжлээр суралцаж төгссөн нэгэн. Тэрээр 2014 онд “LIVON” брэндийг үүсгэж, 2016 онд албан ёсоор “Creative Livon” компанийг байгуулсан тухайгаа ярилцлагадаа дурдсан байдаг. Б.Үнэнбаяр өдгөө брэнд цүнхний өөрийн нэрийн 40 гаруй загвар гаргасан байна.
“Khur” брэнд
FB хаяг: KHUR
“Khur” брэнд нь чанартай арьсан бүтээгдэхүүнийг 100% өөрийн орондоо үйлдвэрлэдэг. Бүтээгдэхүүний тоногийг тусгайлан Итали улсаас захиалдгаараа онцлогтой. Мөн түрийвч, тэлээ зэргийг үйлдвэрлэдэг.
“Aragont” брэнд
FB хаяг: ARAGONT Leather Art Studio
Тус брендийн онцлог нь Монголд боловсруулсан ургамлын идээлэгтэй ширэн дээр монгол уран дарханы аргыг ашиглаж зүсүүрдэн цохиж хийгддэгээс гадна бүтээгдэхүүн бүр нь захиалагчийн хүсэлтээр дахин давтагдашгүй зураг дүрслэлээр хийгддэг. “Aragont” брэнд арьсан сийлбэртэй цүнхнээс гадна хэтэвч, бүс, мөрөвч, хутганы хуй, малгай, гутал зэргийг захиалгаар хийдэг байна.
“VIVID” брэнд
FB хаяг: Vivid LLC
“VIVID” брэнд нь үхрийн болон хонины арьсаар бүтээгдэхүүнээ үйлдвэрлэдэг. Тус үйлдвэрийн давуу тал нь байнгын захиалгаар үйлчилдэг бөгөөд хэрэглэгч та гоёлын болон хэрэгцээний хүссэн цүнхээ захиалаад хийлгэх боломжтой.
“Lemon” бренд
FB хаяг: LeMon Brand
Тус хамт олон нь 2017 оноос хойш гадаадын зах зээлд бүтээгдэхүүнээ экспортолж байгаа туршлагатай бөгөөд одоогоор дотоодын зах зээлдээ өөрсдийн брэндээ таниулахаар ажиллаж байна.
ЛеМон брэндийн бүтээгдэхүүнүүд Монгол малын сайн чанарын арьсаар хийгддэг тул бэлчээрийн малын арьсны онцлог болох бат бөх чанар, арьсны хээ, судал зэрэг нь арьсан эдлэлийн загвар нэг бүрийн дахин давтагдашгүй чанарыг илэрхийлж илүү натурал харагдуулдаг.
