No menu items!
HomeХоол, шим тэжээлБөөрөнхий махтай хоолны амтат жорууд

Бөөрөнхий махтай хоолны амтат жорууд

-

Бөөрөнхий махтай хүрэн шөл

Орц: 1,5 литр шөл, хүрэн манжин 800гр, нэг ширхэг шар лууван, яншуйн үндэс, нэг ширхэг сонгино, хоолны нэг халбага томатны нухаш, цөцгийн тос 50 гр, цайны нэг халбага гурил, хагас аяга зөөхий, лаврын навч, давс

Бөөрөнхий маханд: махны шанз 300 гр,нэг ширхэг сонгино, өндөг, хоолны 4 халбага хатаамжны нунтаг, давс, повоор.

1. Махны шанзыг үхэр, гахайн махаар бэлтгэнэ.

2. Сонгино, чанасан өндгийг жижиглэн хэрчиж, шанзтай хольж бага зэрэг шөл, давс, повоор хатаамжны нунтаг нэмж сайтар жигдрүүлж найруулна.

3. Бэлтгэсэн шанзнаас жижгээр таслан авч бөөрөнхийлнө.

4. Чанаж болгосон хүрэн манжинг жижиг нүхтэй үрүүлээр жижиглэнэ.

5. Яншуй, шар лууван, сонгиныг жижиг хэрчиж томатны нухаштай хамт тосонд хуурч шөлөндөө хийнэ. Дараа нь бөөрөнхий мах нэмж болтол нь чанана.

6. Шөлөө давсаар амт оруулж, тосонд хуурч, шөлөөр шингэлсэн гурил, жигнэж болгосон хүрэн манжинг хийж лаврын навч, давсаар амт оруулаад дахин буцалгаж бэлэн болгоно.

7. Шөлийг таваглаж дээр нь зөөхий дусаана.

Амталж шарсан чихэрлэг бөөрөнхий мах

Орц:

/4порц/, Гахайн татсан мах 350гр, Цагаан гаа 15гр, Салатны ногоон навч зохих хэмжээгээр /махны суурь амтлагч/,Цагаан хуурай вино 1х/х, Цуу 1.5 ц/х, Нунтаг давс, Өндөг 1ширхэг, Нунтаг сухарь 2х/х

Махны амтлагч сүмс бэлтгэхэд:

Уксус 3х/х, Тахианы шөл 1стакан, Улаан лоолийн кетчуп 1х/х, Элсэн чихэр 3х/х, Цуу 2х/х, Нунтаг сухарь 1х/х, Гүнжидийн тос тохирох хэмжээгээр шарах тос тохирох хэмжээгээр

Хийх дараалал:

1. Сонгиныг татаж жижиглэнэ. Өндгөө саванд хийж сайн хутгана.

2. Саванд гахайн машиндсан махаа хийж сайтар хольж нухаад татсан сонгино, цагаан гаа, зуурсан өндөг, суурь амтлагч болон нунтаг сухарь нэмж хоорондоо барьцалдах хүртэл нухаж өгнө.

3. Гарын алгандаа ургамлын тос түрхээд махан бэлдэцээ 2-3см диаметртэй бөөрөнхий болгож базаж гаргана.Бэлэн болсон бөөрөнхий махаа 150хэм хүртэл халаасан шарах тосондоо хийж зөөлөн шарна.

4. Шанаган тогоонд уксус, шөл, элсэн чихэр, кетчуп, цуугаа хийгээд буцалгах бөгөөд буцалсны дараа, усанд уусгасан сухарь нэмж буцалгаад өтгөрүүлж барьцалдуулан сүмсээ бэлтгэнэ.

5. Сүмсэндээ шарсан бөөрөнхий махаа нэмж дээрээс нь гүнжидийн тосоо нэмээд хооронд нь сайн хутгаж холино.

6. Тавган дээр салатны навчаа хүссэн хэмжээгээр дэвсэж өгөөд дээр нь сүмстэй бөөрөнхий махаа хийж өгнө.

Бөөрөнхий махтай шпагетти

Найрлага:

450 гр үхрийн татсан мах

1/4 аяга талхны жижглэсэн үйрмэг

1 том өндөг (бага зэрэг хутгасан)

2 хоолны халбага жижиглэж хэрчсэн сонгино

1 хоолны халбага жижиглэж хэрчсэн яншуй

1 хумс үрсэн сармис

1/2 цайны халбага давс

1/8 цайны халбага перец

Ургамлын тос

Шпагеттины соус

Шпагетти

Порц: 4

1. Том саванд татсан мах, талхны үйрмэг, өндөг, сонгино, яншуй, сармис, давс, перецээ цөмийг хийгээд сайтар холино. Хольсон махаараа 12 ширхэг бөөрөнхий мах хийнэ үү.

2. Ширэмтэй хайруулын тавган дээр ургамлын тосоо хийгээд бөөрөнхий махаа 6е8 минут орчим шарна. Дээр нь шпагеттины соусаа нэмээд, галаа багасган дахиж 10 минут орчим битүү болгоно. Махаа болох хооронд шпагеттигаа зааврын дагуу чанана.

3. Бэлэн болсон гоймон дээрээ бөөрөнхий махаа тавьж олгоно.

Чидун жимстэй бөөрөнхий мах

Орц:

• 500гр татсан мах /үхрийн, хонины, тахианы, гахайны аль нь ч байсан болно/

• 1 сонгино, том том хэрчсэн

• 2 сармис, том том хэрчсэн

• 1 өндөг, хагалж бага зэрэг хутгасан

• 2 хоолны халбага үйрмэг гааны навч

• 3 хоолны халбага оливийн тос

• 400гр хэрчсэн улаан лооль

• 80 мл улаан дарс юм уу шөл

• 1 цайны халбага хатаасан орегано

• 2 атга хар чидун жимсийг цэвэрлэж дундуур нь хэрчинэ

• Хар перец, давс

Олгохдоо
• 4 хоолны халбага тараг, эсвэл цөцгий
• Агшаасан будаа эсвэл талх

1. Таташ, сонгино, сармис, өндгөө хоолны холигчинд хийж бага зэрэг давс, перецээр амтал. Сайн холигдтол нь миксердээрэй. Гараа норгож, амталсан махаа бөөрөнхий болго. Хэрэв цаг байвал хөлдөөгчинд 10 минут байлгаж биежүүлээрэй.

2. Том, хүнхэр саванд тосоо хийж дунд зэргийн гал дээр халаагаад, бөөрөнхий махаа борлож өнгө ортол нь шараад түр таваглачих. Тэгээд тэр савандаа улаан лооль, улаан дарсаа хийж хутгаад дээр нь орегано, чидун жимсээ нэмээд бага зэрэг буцалгана.

3. Дээр нь бөөрөнхий махаа хийж, галаа багасган тагийг нь тавиад 45 минутын турш, соус өтгөрч, бөөрөнхий мах ялз болтол үл ялиг буцалга.

4. Таваглаад дээр нь тараг юм уу цөцгий асгаж, будаа талхтай олго.

Т.Энхжаргал
Т.Энхжаргал
Zaag.mn сайтын сэтгүүлч

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд