Жүжигчин, модел, дуучин Ким А Жүн 1982 онд Сөүл хотноо төржээ.
Сөүлийн Тундэмүнь дүүрэгт өссөн тэрбээр 2004 онд “SKY” нэрийн бүтээгдэхүүнийг сурталчлан телевизээр анх гарчээ. 2005 онд “When Romance Meets Destiny” кинонд анхны дүрээ бүтээж урлагийн салбарт хөл тавив. Тэрбээр Солонгосын Их сургуульд сэтгүүлзүйн магистрийн зэргээ хамгаалжээ.
Түүнийг гоо сайхны мэс засалд хэд хэдэн удаа орж байсан талаар хэн бүхэн мэднэ.
2006 онд “Бүдүүн мисс” инээдмийн киноны Жэннигийн дүрээ олон нийтэд танигдсан бөгөөд киноныхоо “Maria”, “Beautiful Girl” хэмээх хоёр дууг өөрөө дуулсан гэдэг. 2007 онд “Алтан хонх” шагналаас мөн киногоороо шилдэг эмэгтэй жүжигчний шагналыг хүртжээ.
Гурван жил завсарлага авсны дараа “The Accidental Couple” хэмээх романтик инээдмийн кинонд гол дүрийг бүтээжээ.
2010 онд тэрбээр “Sign” хэмээх цувралд тогложээ.
2011 онд тэрбээр татвараас зайлсхийсэн гэм буруутай нь тогтоогдож, 600,000 долларын торгууль нэмж төлөх болжээ. Энэхүү шуугианаас болж түүнийг гурван жил телевизэд ажиллахыг хоригложээ.”Punch” хэмээх цувралд прокурорын дүрийг бүтээснээрээ эерэг үнэлгээ авав.
Тэрбээр 2005 оноос хойш 9 уран сайхны кино, 8 цуврал кинонд дүрээ бүтээжээ.
Чөлөөт цагаа ихэнхдээ гэртээ кино үзэж өнгөрүүлдэг гэнэ.
2018 онд түүнийг 36 насандаа гэртээ таалал төгсчээ гэх цуу яриа Солонгосын хэвлэлүүдээр тарсан ажээ. Гэхдээ түүний агентлагаас түүнийг амьд төдийгүй ажлаа хийгээд завгүй явж байгаа талаар залруулга хийсэн аж.
2017 оноос хойш дэлгэцнээ гараагүй түүнийг “Zero”хэмээх драмд тоглох болсон талаар мэдээлжээ.
Хувийн амьдрал:
Тэрбээр карьертаа анхаарч одоогоор гэрлэж амжаагүй аж. Ким А Жүн ганц бие эцэг, эхчүүдэд тусламж үзүүлдэг. 2009 онд ‘Korea Pearl Buck Foundation’ -д 100 сая вонын үнэтэй хувцас хандивлаж, 2015 онд ганц бие эцэг, эхчүүдэд өөрсдөдөө цаг зав гаргаж байгаарай хэмээгээд бугуйн цаг, 1000 ширхэг хувцас хандивласан аж.
