Энэ удаагийн “Хөтөч” булангаараа шатрын хичээл заадаг онлайн эх сурвалжуудын талаарх мэдээллийг хүргэж байна.
Шатар бол оюуны спорт. Хүн төрөлхтний оюун санааны гайхамшигт бүтээлүүдийн нэг нь яах аргагүй шатар мөн. Шатар тоглох нь хүүхдийн төлөвшил, хүмүүжил, хөгжилд өндөр ач холбогдолтой гэдгийг сурган хүмүүжүүлэгчид болон эрдэмтэд нотолсон байдаг.
Шатар нь дараах ч тустай.
Шатар нь бусдын өнцгөөс харах чадварыг хөгжүүлдэг
Чадварлаг шатарчид өрсөлдөгчийнхөө дараагийн нүүдлийг урьдчилан харж сурдаг. Ингэснээр ямар нүүдэл хийхээ дүгнэх чавдартай болно. Эрдэмтэд энэхүү чадварыг “оюуны онол” гэж нэрлэдэг. Энэ бол бусдыг өрөвдөж, энэрэх, нийгмийн эрүүл харилцааг бий болгоход зайлшгүй шаардлагатай чадвар юм. 2019 онд хийгдсэн судалгаагаар шатрын спортоор хичээллэж буй хүүхдүүдэд энэхүү чавдар давуу байгааг тогтоожээ.
Шатар ой тогтоолтыг сайжруулдаг
Мэргэшсэн шатарчид ой тогтоолтын өндөр чадвартай байдаг нь гайхах зүйл биш юм. Энэ нь олон тооны нүүдэл, тэдгээрийн боломжит үр дүнг цээжлэхэд оршино. Судлаачид шатар тоглодог болон тоглодоггүй хүмүүсийн ой тогтоолтыг шалгасан байна. Чадварлаг шатарчид харааны ой тогтоолт сайтай байдаг.
Оюуны чадварыг нэмэгдүүлнэ
Шатар тоглодог хүмүүсийн сэтгэн бодох чадвар хоёр чиглэлээр (ой тогтоолтоос гадна) хөгждөг.
Нухацтай хандах: Энэ бол шинэ төрлийн асуудлуудыг авч үзэх, тэдгээрийг шийдвэрлэхэд үндэслэлийг ашиглах чадвар юм.
Гүйлгээ ухаан: Энэ бол даалгавруудыг түргэн шуурхай ойлгож, сорилт бэрхшээлд үр дүнтэй хариу өгөх чадвар юм.
Шатар нь сэтгэл заслын нэг арга
Шатар тоглох нь өөрийгөө танин мэдэх чадварыг дээшлүүлэх хэрэгсэл болдог. Бүтээлч эмчилгээний стратеги гэж үздэг шатар нь стресс, бэрхшээлд хэрхэн хариу үйлдэл үзүүлэхээ хянах боломжийг олгодог.
Ингээд дараах эх сурвалжуудын тусламжтайгаар шатар тоглож сурах боломжтой.
ГАДААД
2009 оноос хойш үйл ажиллагаа явуулж буй энэхүү сайт шатартай холбоотой бүхий л хичээлүүдийг заах болно. Долоо хоног тутамд нэг шинэ видео ордог. Шатрын спортоор хичээллэснээр таны оюуны үйл ажиллагаа маш сайн тэлнэ. Шатрын тэмцээнд ялах ялагдах эсэхийг нэг л нүүдэл шийднэ. Тиймээс Practice хэсгээр ороод өөрийгөө сориорой. Чухам аль нүүдэл хамгийн оновтой вэ? Энэхүү дасгалыг хийх нь маш сайн оюуны сорил болох болно.
Энэтхэгийн Мумбай хотод амьдардаг Жийтэндра Адвани хичээлийг заах болно. Chess talk илүү олон мэдээллийг хүлээн авах боломжтой юм.
Энд мөн шатрын талаарх сонирхолтой таавар, дасгалуудыг байх бөгөөд бүх шатны суралцагчдад нээлттэй. Мөн онлайнаар шатар тоглох боломжтой. Практикт тулгуурлаж сурмаар байвал энэхүү сувгийг дагаарай. Онлайнаар тоглонгоо маш олон турлагыг хуримтлуулах боломжтой.
АНУ-ын Сант Луйсын шилдэг шатарчдын хичээлийг хүлээн авах боломжтой. Шилдэг тоглогчид тус шатрын клубын гишүүдэд долоо хоног бүр лекц уншдаг бөгөөд хүүхэд, насанд хүрэгчдэд анхан шатнаас Грандмастерын гүнзгий түвшинд хүртэл лекцийг хүргэнэ.
Бүх түвшнийхэнд зориулсан энэхүү сайт нь шатрын спортын мастеруудын туршлага, зөвлөгөө мэдээллийг хүргэхээс гадна шатрын олон улсын тэмцээнүүдийн тоглолтыг шууд дамжуулан хүргэнэ. Та ЭНД дарж дамжуулалтыг хүлээн авах боломжтой. Хугацаагаа тохируулаад онлайнаар тоглох ч боломжтой юм байна.
Шатрын мастеруудын хамгийн олон видео сан энд бий. Мөн нүүдлүүдийн талаар дэлгэрэнгүй мэдээлэл бий.
МОНГОЛ
Хэрэв та монгол эх сурвалжаас анхан шатны мэдээлэл авахыг хүсвэл ЭНД дарж үзээрэй.
Мөн E-surgalt.com руу орж хэрэгтэй мэдээллээ олж авах боломжтой. Энд тухайлбал, славян хамгаалалтын жишээ өргүүд, нээж дайрах, нээж шалах, татгалзсан бэрсийн гамбитын жишээ өргүүдийн талаар байна. ЭНД дарж үзэх боломжтой.
