Цагийг зугаатай өнгөрүүлэнгээ IQ-ээ сорих боломжтой. Дараах IQ сорих тест бүхий онлайн эх сурвалжуудаар орж, оюуны чадамжаа сориод үзээрэй. Тестүүд нь 8-57 асуулттай бөгөөд 10-60 минутын хооронд таны оюуны чадамжийг сорьж, үнэлгээг танилцуулна. Дундаж оноо 100, оюуны өндөр чадамж нь 120 ба түүнээс дээш, харин 70-аас доош бол IQ хөгжүүлэх шаардлагатай юм байна. Гэхдээ энэхүү тестүүд нь таны оюуны чадамжийг 100 хувь илэрхийлэхгүй гэдгийг анхаарах хэрэгтэй.
Free-IQTest.net’s Free IQ Test
Нийтдээ 20 асуулт байгаа бөгөөд ихэнх нь олон сонголттой. Баруун дээд буланд байгаа цаг хэмжигч нь туршилтыг хэр удаан гүйцэтгэж байгааг хянах боломжийг олгоно. Тестийнхээ хариуг бусадтай хуваалцах боломжтой. Мөн цахим шуудангаа бүртгүүлснээр өдөр бүр тестийг илгээнэ.
Энэхүү тест ойролцоогоор 20 асуулттай. Асуултууд нь нэг хуудсанд байрлах тул хариултаа илгээхээсээ өмнө хянах, засах боломжтой. Тестийн хариуг оноогоор үнэлэх ба 90-109 бол хэвийн, 140 бол гоц ухаантан зэргээр үнэлнэ.
Free IQ Test at See My Personality
Энэ нь таныг богино хугацаанд тархиа ажиллуулахыг шаардсан тестүүдээс бүрдэнэ. Нэр, улс, насаа бүртгүүлээд тест бөглөх боломжтой.
Санах ой, ойлголт, үгийг ойлгох, дүрслэх загвар, логик, орон зайн харилцаа, тоон дараалал, бүтээлч чадвар зэргийг сорих янз бүрийн туршилтуудыг агуулсан өөр өөр хэсэг бүхий сорилуудтай. Эхлээд өмнөтгөл текстийг уншаад заавартай нь сайн танилцах хэрэгтэй. IQ тестээ хадгалаад дараа нь үргэлжлүүлж болно, эсвэл хэсэг тус бүрээр нь тогтоосон хугацаанд бөглөж болно. Баруун, зүүн тархины аль нь илүү хөгжсөн байгааг графикийн тусламжтайгаар харах боломжтой.
Энэхүү сорилго нь цаг хугацааны хязгаарлалтгүй бөгөөд нийтдээ 43 асуулттай. Дүн шинжилгээ, орон зайн баримжаа, тоон дараалал зэргээр сорино. Өмнөх асуулт руу эргэх боломжгүй тол маш сайн бодох хэрэгтэй. Аль асуултанд буруу хариулснаа төгсгөлд нь харах боломжтой. IQ тестийн үр дүнг хүйс, нас, улс орон, боловсролын түвшин зэрэг категоруудад харьцуулсан график байх тул өөрийн түвшнээ харьцуулж харах боломжтой юм.
Free IQ Test at FreeIQTest.info
20 асуулт бүхий энэхүү сорилгын үр дүн нь асуултуудаа хэр хугацаанд хариулж байгаагаас шууд хамаарна. Өөрөөр хэлбэр хэр богино хугацаанд сэтгэж байгаагаар таны оюуны чадамж хэр түвшинд байгааг мэдэх боломжтой. Та хариултаа өөрчлөх боломжгүй.
Та фейсбүүкээр дамжуулан IQ сорих тест бөглөж байсан бол үүний механизм яг адилхан. Үр дүн нь товч байх болно. Таны IQ оноо дунджаас дээгүүр эсвэл ихэнх хүмүүсийн 6 хувь нь тань шиг ухаантай гэх хариулт өгнө. Мэдээж хариултаа нүүр ном болон твитерийн найзуудтайгаа хуваалцах боломжтой.
38 асуулттай бөгөөд хариулт нь зөвхөн үнэн эсвэл худал байх болно. Нэг асуултанд 20 секундээс илүү хугацаа зарцуулбал оноонд сөргөөр нөлөөлөх магадлалтай. Хариу нь цахим шуудангаар илгээгдэх болно.
Дээрх сорилуудтай харьцуулбал хугацааны хувьд арай урт. Нэлээд бодож, тунгаах шаардлагатай гэсэн үг. 57 асуулт байх бөгөөд нийт зарцуулах хугацаа 30 минут. Хаана алдсан болохоо нэг бүрчлэн шалгахыг хүсвэл төлбөр төлнө. Үгүй гэвэл зөвхөн хэдэн оноо авсан нь харагдана.
Хоёр сонголт бий. 12 минутын хугацаанд 50 асуултанд хариулах эсвэл зургаан минутанд бөглөх 25 асуулт. Өмнөх асуулт руу шилжих боломжтой. Үнэлгээ нь дундажтай харьцуулагдсан байх болно.
Дээрхтэй адил хоёр сонголттой. Хэрэв санамсаргүй байдлаар буруу хариулт илгээсэн бол буцаах боломжгүй. Үүнд гишүүнчлэлээр элсвэл илүү олон асуултыг хүлээн авах боломжтой аж.
