“Аз жаргалын хэлтэрхий” киноны Диляра Гюрпынарын дүрээр үзэгчдийн танил болсон Туркийн үзэсгэлэнт жүжигчин Эбру Озканы тухай мэдээллийг хүргэж байна.
Туркийн алдарт жүжигчин Эбру Озкан 1978 оны 11-р сарын 18 нд төрсөн бөгөөд айлын дөрөв дэх хүүхэд юм. Жүжигчин бүсгүй ахлах сургуулиа төгсөөд Билкентийн их сургуульд элсэн орсон боловч 25 настайдаа сургуулиа орхиж, Анкара хотод ирж суурьшжээ. Ингээд бүсгүй Анкарагийн их сургуульд элссэн суралцаж, төгссөн байна.
Эбру театрт ажиллаж байсан бөгөөд хэд хэдэн тайзны дүр бүтээжээ. Тэрээр 2008 онд дэлхийн алдарт зохиол “Ромео, Жульетта” жүжгийн Жульеттагийн дүрийг бүтээж байсан гэдэг.
Харин түүний хамгийн анхны тоглосон кино нь 2006 онд гарсан “Kabuslar evi: Bir kis masali” хэмээх телевизийн цуврал аж. Үүний дараагаар тэрээр “Gözyaşı Çetesi” , “Kara İnci” , “Güldünya” гэх мэт олон кинонд дүр бүтээсэн.
Гэвч түүнд алдар нэрийг авчирсан кино нь 2009 онд гарсан “Hanımın Çiftliği” хэмээх телевизийн цуврал юм.
Мөн түүнийг дэлхий дахинаа алдаршуулсан кино нь яах араггүй “Аз жаргалын хэлтэрхий”. Тус кино дэлхийн 80 гаруй оронд гарсан бөгөөд 2014-2017 онд кино зураг авалт нь үргэлжилжээ.
Дилярагийн дүр нь жүжигчинд жинхэнэ амжилтыг авчирсан. Түүний алдар нэр улам бүр өсч киноны санал ихээр хүлээн авсан байна. Үүнийхээ дараа жүжигчин “Rüzgarın Hatıraları”, “Hekimoğlu” хэмээх кинонуудад тогложээ.
Эбру Озканыг Туркийн жүжигчин Мэрт Фираттай нэг жилийн турш харилцаатай байсан гэх мэдээлэл байдаг. Мөн тэрээр 2009 оноос хойш Жанер Жиндорук хэмээх залуутай болзож байжээ. Гэвч хосууд 2014 онд салсан байна.
Харин дараа нь бүсгүй Эртан Сабан гэх залуутай 2016 онд гэрлэжээ. Тэд Бириджик хэмээх нэг охинтой аж.
