LOADING

Type to search

Ардын дууч Д.Бурмаагийн онцлох гэрэл зургууд

Share

Дуу хуурын ерөнтцөд 20-оод жил ая дуугаа эгшиглүүлж яваа Ардын дууч, МУГЖ Даваагийн Бурмаагийн онцлох гэрэл зургуудыг хүргэж байна.

Түүний бага нас Увс аймгийн Тэс сумд өнгөрчээ. Эхээс 14-үүлээ бөгөөд олон ах натай учир нэлээд эршүүд талдаа хэмээн нэгэн ярилцлагадаа дурьджээ.

Ардын урлагийг хөгжүүлэхэд хувь нэмрээ оруулж буй тэрбээр МУИС-ын Ардын урлаг судлалын салбарыг урлаг судлаач, шүүмжлэгч мэргэжлээр төгссөн. Мөн СУИС-ийн уртын дууны ангид Дэлгэр багшийн удирдлаганд суралцаж төгссөн.

Тэрээр Ардын жүжигчин Г.Түмэндэмбэрэл гуайн дуунаас дуулдаг бөгөөд нэг цом нь дан Г.Түмэндэмбэрэл гуайн дуунаас бүрджээ.

Анх 2000 онд улсын филармонид туслах менежерээр жил гаран ажилласан бөгөөд  2009 онд гоцлол дуучнаар орсон. Тэрээр байгууллагаа “Манайд бүх урсгалаар дуулдаг дуучид, бүхий л жанраар тоглодог хөгжимчид байна. Нэг ёсондоо филармони гэдэг чинь урлагийн их уурхай юм” гэж тодорхойлж байсан удаатай.

2000 он. Солонгос улс

Түүний анхны цомог нь “Үзэсгэлэнгоо” нэртэй юм.

Түүний урын санд 40 гаруй ардын дуу бий.

Нийтийн дууны ертөнцөд танигдсан дуучин О.Гансувд, Б.Уранзаяа нар түүний ахын хүүхдүүд.  Мөн дуучин СТА, дуучин Э.Төрмандахтай “Аархал” дууг дуулснаар нь та бидний сайн мэдэх авьяаслаг дуучин А.Өсөх-Ирээдүй түүний ахын хүүхэд аж.

Соёлын тэргүүний ажилтан дуучин Л.Банзрагч, Соёлын тэргүүний ажилтан А.Мөнхбат, Д.Бурмаа нар хамтарч олон уран бүтээл хийсэн. Тэд 2019 онд “Заллага” хэмээх дөрөв дэх уран бүтээлийн тоглолтоо хийсэн бөгөөд энэ үед дуучин Д.Бурмаа бие давхар байв.

Зургийг дуучны фейсбүүк хаягаас авав.

Түүний нөхөр Увс аймгийн Сагил сумын харьяат улсын начин Б.Насандэлгэр билээ.

Тэрээр фитнессээр хичээллэдэг.

error: Content is protected !!