“Жүмүн хаан” киногоор бидний танил болсон жүжигчин Сун Ил Гүгийн талаарх сонирхолтой мэдээллийг хүргэж байна.
Сун Ил Гүг 1971 оны 10-р сарын 1-нд төрсөн бөгөөд түүний өвөө, аав нар нь улс төрчид ажээ. Тэрээр Чонжүгийн их сургуулийг тайзны урлагийн мэргэжлээр төгсөөд дараа нь Чун-Ангийн их сургуульд магистрын зэрэг хамгаалжээ.
Сун Ил Гүг Солонгосын Триатлоны Холбооны дэд ерөнхийлөгч бөгөөд 2008 онд Сөүлд болсон Олон Улсын Триатлоны тэмцээнд оролцсон байна.
Харин түүний тоглосон хамгийн алдартай кино нь мэдээж “Жүмүн хаан” юм. Уг кино нь түүнийг олон улсад алдаршуулсан билээ.
Тэрээр “Жүмүн хаан” кинонд тоглож алдарсныхаа дараа олон брэндийн нүүр царай болжээ. Мөн тэрээр кинонд тоглохоос гадна загварын салбарт ч ажилладаг байна.
Түүний тоглосон “Жүмүн хаан” кино Төв Азийн орнуудын үзэгчдийг байлдаг дагуулж, түүнд асар их нэр хүндийг авчирсан байна. Тэрээр Казахстаны ерөнхийлөгч зэрэг бусад төрийн тэргүүнүүдтэй хамт хооллохоор “Хөх ордон”-д уригдаж байсан түүхтэй.
Түүний тоглосон өөр алдартай кинонууд нь “Jang Youngsil: The Greatest Scientist of Joseon”, “Detectives in Trouble”, “A Man Called God”, “Kimchi Family” зэрэг юм.
Тэрээр 2002 онд “KBS Drama Awards”-аас шилдэг шинэ жүжигчин, 2005 оны “KBS Drama Awards”-аас шилдэг эрэгтэй жүжигчин, хамгийн алдартай жүжигчин, 2008 оны “KBS Drama Awards”-аас шилдэг хосын шагнал, шилдэг жүжигчин зэрэг нэр хүндтэй шагналыг тус тус хүртэж байжээ.
Жүжигчин Сон Ил Гүг 2008 оны 3-р сарын 15-нд Сөүл дэх “Sheraton Walkerhill” зочид буудалд дээд шүүхийн шүүгч Jung Seung-yeon хэмээх бүсгүйтэй гэрлэжээ. Хосууд 2012 оны 3-р сарын 16-нд гурван ихэр хүүгийн ээж аав болсон байна.
