No menu items!
HomeХэн юу хэлэвС.Амарсайхан: Бүлэглэлүүд намайг зайлуулахын тулд зохион байгуулалттай ажиллаж байгаа

С.Амарсайхан: Бүлэглэлүүд намайг зайлуулахын тулд зохион байгуулалттай ажиллаж байгаа

-

Шадар сайд С.Амарсайханы гэргий Ч.Ичинхорлоогоо халдвартай бүс рүү нэвтэрч, ээж, аавыгаа эргэснийг хууль зөрчсөн үйлдэл хэмээн ард иргэд шүүмжилж байгаа билээ.

Хэвлэлийн хурлын үеэр энэ тухай тэрээр дахин байр сууриа илэрхийллээ.

Шадар сайд С.Амарсайхан: Би цар тахалтай тэмцэж байгаа гэж өөрийгөө бодож байгаа. Зарим нэг нь надтай тэмцээд байна.  Би Монгол Улсын Шадар сайдын алба хашиж байгаа гээд өөртөө давуу эрх өгч, хууль журам зөрчөөгүй,  гэр бүлийнхэн маань ч хууль дүрэм зөрчөөгүй.  Хэнээс ч давуу эрх эдлээгүй. Харин иргэддээ дутуу эрх эдлүүлэхгүй байх тал дээр хатуу шаардлага тавьж ажиллаж байгаа. Шадар сайдын ажил бол зөвхөн Covid-19-тэй тэмцэх ажил  биш, эрхлэх асуудлын хүрээнд олон салбар байдаг. Засгийн газар хоорондын комисс, гадаад дотооод харилцаа гээд өчнөөн олон ажил байдаг учраас хэрэг зарга хийсэн болгоны араас яваад байх боломжгүй, тайлбар өгөөд явах цаг зав алга.

Харин би нэг зүйлийг хатуу хэлж байна. Хариуцлага тооцох тал дээр үзэл бодол, үнэт зүйлтэйгээ зууралдана. Улсыг төртэй нь улстөрчидтэй нь худалдаад авчихдаг банк санхүү бизнесийн бүлэглэл, цар тахлаар бизнес хийдэг хэсэг бүлэг этгээдүүд, цар тахлын цаана тусгаарлах байраар бизнес хийдэг нөхдүүд гээд салбар, салбарт бугшсан нөхдүүд бол намайг зайлуулахын тулд зохион байгуулалттай ажиллаж байгаа. Бусад иргэдийн адил би албан тушаалтан мөн ч бай, биш ч бай адилхан эрхээ эдлээд л явж байгаа. Хууль зөрчөөгүй гэдгээ дахин хэлье. Харин зохион байгуулалттай дүрэм журам зөрчсөн болгож байгаа. Сүүлдээ компьютерын хард диск ху лгайлсан болгож байгаа, нэгдүгээр эмнэлэгт очиж шинжилгээ өгөөгүй эхнэрийг маань өгсөн болгож зориуд систем дээр шивж оруулж байгаа гэх мэтийн нарийн зурсан, төрийг худалдаад авчихсан төрөөр бизнес хийдэг нөхдүүд эрчимтэй ажиллаж байгаа.

Түүнээс би няцаж, ухрахгүй. Тавьдаг шаардлагаа тавина, хэлэх зүйлээ хэлнэ, хийдэг ажлаа хийнэ. Өвчтэй, зовлонтой ахмадуудынхаа санааг зовоогоод яах вэ гээд чимээгүй, хүлээцтэй хандаад явахаар номхон морийг ноолоход амар гэдэг шиг зөөлчлөх гээд өөрсдийн хууль бус үйлдлийг дарж нуухын тулд Амарсайханыг харлуулаад байвал болно гэж бодож байх шиг байна. Тийм асуудал бол байхгүй шүү гэдгийг хэлье” гэв

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд