УИХ-ын даргын захирамжаар Хууль хяналтын байгууллага хуулиар хүлээсэн чиг үүргээ хэрхэн хэрэгжүүлж буйд болон хэвлэл мэдээллийн орчинд тархсан гэмт хэргийн шинжтэй мэдээллүүд нь улс орны дотоод аюулгүй байдалд сөргөөр нөлөөлөх эсэхийг судлан, санал, дүгнэлт гаргах, хууль тогтоомжийн төсөл боловсруулж, танилцуулах үүрэг бүхий ажлын хэсгийг Б.Энх-Амгалан гишүүнээр ахлуулан байгуулсан. Уг ажлын хэсгийн гишүүд Б.Энх-Амгалан нар мэдээлэл хийлээ.
Тэрбээр:
-Хэвлэл мэдээллийн хэрэгслээр гараад байгаа хуулийн байгууллагын ажилтнуудтай холбоотой 20, нэр дурдагдсан хуулийн ажилтнуудтай холбоотой 86 хэргийг Улсын ерөнхий прокурор мөрдөж байгаа юм байна. ЦЕГ-аас албан бичгээр хариу ирүүлсэн. Уг албан бичигт “Хэвлэл мэдээллийн хэрэгслээр мэдээлэгдсэн ОХУ-аас их хэмжээний валют оруулж ирсэн гэх ҮАБЗ-ийн шинжээч Д.Галданжамц Д.Бямбацогт нарт холбогдох харьяаллын дагуу тагнуулын байгууллага шалгаж байгаа. Өмгөөлөгч Б.Баасанцогт нар нэр бүхий шүүгч нарт бусдыг бие үнэ лэхэд зуучилсан, татан оролцуулсан хэргээр Эрүүгийн хэргийн зүйл ангиар хэрэг бүртгэлт нээн шалгаж, АТГ-т шилжүүлсэн байна.
Хэргийг хуваарилдаг, захиалдаг байж болзошгүй схем Б.Баасанцогт өмгөөлөгчийн комьютерээс гарч ирсэн учир хамтатган шалгаж байгаа юм байна. Хуулийн байгууллагынхны оролцсон хууль бус үйл ажиллагааг үнэн зөвөөр нь шалгаж, хариуцлага тооцох шаардлагатай гэв.
