Өөрсдийн тоглосон киноныхоо дууг дуулсан алдартнуудыг та мэдэх үү? Бид энэ удаад тоглосон киноныхоо дууг дуулж, олны хүртээл болгосон авьяаслаг жүжигчдийн жагсаалтыг хүргэж байна.
1. Park Seo Joon
Солонгосын К-драма ертөнцийг байлдан дагуулсаар ирсэн чадварлаг, сэтгэл татам залуу бол жүжигчин Park Seo Joon. Тэрээр “Hwarang” киноныхоо дууг өөрөө дуулсан байна. Түүнийг монголчууд “Dream High 2”, “Ким нарийн бичгийн дарга” зэрэг киногоор нь сайн мэдэх билээ.
2. Ji Chang Wook
Түүнийг анх хөгжимт, драмын театрт ажиллаж байсныг та мэдэх үү? Энэ авьяаслаг залуу “Suspicious Partners”, “Empress Ki, Healer”, “First Seven Kisses” зэрэг тоглосон олон киноныхоо дууг өөрөө дуулсан байна.
3. Kim Soo Hyun
Kim Soo Hyun “My Love from the Star” киноныхоо дууг өөрөө дуулжээ. Тэрээр тоглосон бараг бүх киноныхоо дууг дуулсан чадварлаг уран бүтээлч юм.
4. Lee Min Ho
Солонгосын соёлын давлагааны /Hallyu/ жүжигчин гэгддэг түүнийг танихгүй хүн үгүй. Царайлаг жүжигчин залууг бид “boys over flowers” киногоор нь сайн мэдэх билээ. Тэрээр “Boys over Flowers”, “Painful Love”, “The Heirs” киноныхоо дууг өөрөө дуулсан ажээ.
5. Joo Won
Тэрээр “Good Doctor”, “Bridal Mask” зэрэг киноныхоо дууг дуулсан байна.
6. Song Joong Ki
“Нарны үр сад” киногоор бидний танил болсон тэрээр “The Innocent Man”, “Penny Pitchers” зэрэг киноныхоо дууг дуулжээ.
7. Park Bo Gum
Авьяаслаг, залуу жүжигчин тэрээр “Love in the Moonlight” киноныхоо дууг өөрөө дуулж, олны сонорт хүргэсэн юм.
8. Lee Jong Suk
Царайлаг кино од Jong Suk жүжиглэхээс гадна дуулах авьяастай нэгэн. Тэрээр “While you were Sleeping” киноныхоо “Come to me” дууг дуулжээ.
Эх сурвалж: pinkvilla