Эрүүл саруул амьдрана гэдэг хүн бүрийн хүсэл байдаг ч өдөр тутмын хэвшмэл хатуу дэглэм мөрдөж амьдрана гэдэг хэтэрхий уйтгартай, сонирхолгүй байж болох юм.
“Вэлнэсс хэв маягын амьдрал нь биднийг цэгцтэй, дэг журамтай байхад тусалдаг. Зорилго маш чухал. Магадгүй та шинэ зүйлийг туршихаас айдаг учир зүгээр л зайлсхийх эсвэл тодорхой шалтгаанаар өөрийн хэв маягаа дагаж мөрдөх боломжгүй ч байж болох юм. Миний хувьд “тэгэх ёстой, ингэх ёстой, тэрийг л хийхгүй бол болохгүй , энийг л хийхгүй бол болохгүй ” гэх мэт хатуу чанд мөрддөг дэг журам гэж байдаггүй.
Би ухамсарлаж байгаагаараа гэхээсээ тухайн үед юу хийхийг хүсч, юу мэдэрч, тааламжтай байна түүнийгээ л хийхийг илүүд үздэг.
Түүндээ нийцүүлж амьдралын хэв маягаа өөрчилдөг. Энэ нь миний амьдралыг илүү сонирхолтой, хялбар болгодог. Одоо би хүүхэдтэйгээ хамт хичээллэхээр гитарын дугуйланд бүртгүүлсэн. Надад хөгжим сурах нь чухал гэхээсээ цагийг сонирхолтой өнгөрүүлэх нь чухал байдаг. Ямар нэг зүйл сонирхож, дурлаж оролдож байхад өөр зүйлд сатаарахгүй зөвхөн түүндээ л төвлөрдөг. 20, 30 минутын турш гитар тоглож, аккордыг давтах нь нэг талаараа бясалгал болж өгдөг юм. Би иог, бясалгалд явдаг байсан. Энэ нь үнэхээр хэрэгтэй чухал зүйл шүү. Цартахлын энэ цаг үед оюун санаагаа тайван, амгалан байлгах хэрэгтэй” гэж “Me and White Supremacy” номын зохиогч Лайла Саад өгүүлсэн байна.