Ибупрофен нь толгой, булчингийн өвдөлт бууруулах, үрэвсэл намдаах, халуун буулгах үед эмч нарын зөвлөдөг туршилтаар батлагдсан гол эмүүдийн нэг. Гэвч ямарваа нэг эм тухайн хүний биеийн онцлогоос хамааран эрсдэл, гаж нөлөө үзүүлдэг.
Энэхүү эм нь COX ферментийн үйл ажиллагааг зогсоож, простагландиныг бие махбодид үр дүнтэй хадгалах замаар үрэвсэл, өвдөлтийг бууруулдаг ажээ. COX ферментүүд нь өвчний шинж тэмдгийг арилгах төдийгүй ходоодны салст бүрхэвчийг хамгаалахад тусалдаг байна. Харин ибупрофен гэх мэт эмүүд COX-ийн ферментийг зогсоох үед ходоод илүү эмзэг болдог. Ибупрофен эмийг өлөн байхдаа уувал гэдэс дүүрэх, ходоод өвдөх, цаашлаад ходоодны шарх үүсгэх эрсдэл дагуулдаг ажээ. Гэхдээ гаж нөлөө нь тухайн хүний биеийн онцлог болон эрүүл мэндийн байдлаас ихээхэн хамаардаг гэдгийг санах хэрэгтэй.
Ихэнх хүмүүс ибупрофенийг өвдөлт намдаах зорилгоор хэрэглэдэг бөгөөд эм уухаас өмнө хоол идэх нь эмийн шингэх явцыг удаашруулдаг. Нэг судалгаагаар Ибупрофен гэх мэт эм уухаас өмнө нь хоол идэх нь нарийн гэдсэнд илүү их гэмтэл авчирдаг болохыг тогтоосон байдаг (Journal of Pharmacy and Pharmacology).
Хэрэв танд ходоодны шарх үүсэх эрсдэлтэй, ходоод тань өвддөг бол эхлээд PPI хэмээх эмийг уухыг зөвлөж байна. Харин эрсдэл багатай хүмүүсийн хувьд ходоодны илүүдэл хүчил нь магнийг түргэн шингээдэг учир өвчин намдах нь амархан байдаг ажээ.
Эх сурвалж: healthdigest