Бяцхан хүүхэд тань уйлагнаад нэг л тавгүй байна уу? Нярай хүүхэд гэдэг томчууд шиг яг юу нь хаанаа өвдөж байгааг илэрхийлж чадахгүй. Иймд хүүхдээ таагүй үед нь дараах массажыг өдөр тутам хийж өгч байгаарай.
1. Шүдлэх
Хэрэв таны хүүхдийн шүд дөнгөж цухуйж, түүнийгээ хавирч байгаа бол өвдөлтийг намдаахын тулд хөлийн хурууны үзүүрт нь зөөлөн иллэг хий. Дээд ба доод эрүүний шүдтэй холбоотой цэгүүд нь хөлийн хурууны доор байрладаг.
2. Хамар битүүрэх
Хүүхдийн хөлийн хуруунуудад массаж хийснээр хамраараа агаар амьсгалахад нь тусална. Хамартай холбоотой гол цэг нь тэдний хөлийн эрхий хурууны үзүүр дээр байрладаг. Энэ цэгт зөөлөн массаж хийгээрэй.
3. Цээжний өвдөлт
Хэрэв таны хүүхэд цээжний бөглөрөлтэй байгаа бол хөлийн эхний 3 хурууных доор байрлах хэсэгт зөөлөн иллэг хий. Ингэхдээ хоёр хөлийг нэг нэгээр нь ээлжлэн зүүнээс баруун тийш чиглэсэн маягаар барина. Үүнээс гадна хуруугаараа хөлийн тавхайн доороос дээш чиглэлээр дарж өгч болно.
4. Гэдэс хямрах
Хүүхдийнхээ хөлний тавхайн дунд хэсэгт иллэг хийснээр гэдэсний хямралыг нь шийдэж болно. Тэдний хөлний тавхайн төвд хөнгөн иллэг хийх нь ходоодны өвдөлтийг ч гэсэн намдаах эерэг арга юм.
5. Хоол боловсруулах асуудлыг шийдэх
Хөлийн зөөлөн массаж нь таны хүүхдийн хоол боловсруулах эрхтний асуудлыг шийдвэрлэхэд тусална. Хөлийн эрхий хуруунаас, 4 хуруу дор байрлах цэг дээр хөнгөн даралтыг үзүүлснээр гэдэс, ходоод өвдөх, дотор муухайрах зэрэг өвчин намдана.
6. Хий хөөх
Хүүхдийнхээ хөлийг массажлаж биед хуримтлагдсан хийг нь гадагшлуулаарай. Зурагт үзүүлсэн хэсгийг массажлах нь дотор муухайрахыг намдааж, гэдэсний хийг арилгана.
7. Өтгөн хаталт
Хөлийн массаж нь өтгөн хаталтыг арилгадаг гэсэн судалгаа гарчээ. Хүүхдийн хэвлийгээр нь өвдвөл өсгийг нь бага зэрэг илээрэй. Хөлийн энэ хэсэг нь гэдэстэй холбоотой бөгөөд өтгөн хаталттай холбоотой асуудлыг шийдэж чадна.
Эх сурвалж: Brightside
