No menu items!
HomeОнцлохСарын тэмдгийн алдагдалтай үед хэрэглэвэл зохих 7 хүнс

Сарын тэмдгийн алдагдалтай үед хэрэглэвэл зохих 7 хүнс

-

Ихэнх эмэгтэйчүүдийн хувьд сарын тэмдэг нь алдагдалгүй, тодорхой хугацаандаа ирдэг байх. Гэсэн хэдий ч зарим үед сарын тэмдгийн мөчлөг нь ердийнхөөс хожимдох тохиолдол гардаг. Үүнд стресс, хэвийн бус хооллох зуршил, хөдөлгөөнгүй амьдралын хэв маяг, дааврын өөрчлөлт зэргийг буруутгаж болох юм.

Алдагдлыг бид эм, тариагаар зохицуулж болох ч энэ нь төдийлөн сайн арга биш гэж үздэг. Харин идэж буй хоол хүнсэндээ анхаарснаар үүнийг хор хөнөөлгүй, амархан шийдэж болно. Мэдээжийн хэрэг сарын тэмдгийг алдагдсан үед үр өгөөжөө өгдөг зарим хүнс байдаг.

PCOD ба PCOS өвчнөөр шаналж буй эмэгтэйчүүд дааврын асуудлаа засахын тулд байгалийн гаралтай хүнсийг сонгодог байна. Ингээд та бүхэн сарын тэмдгийн алдагдалтай үедээ дараах хүнсийг хэрэглэж байгаарай. Сануулж хэлэхэд эдгээр хүнснээс харшилтай, эсвэл өөр шалтгаан байгаа бол эмчтэйгээ зөвлөлдөхийг хүсье.

1. Папайя

Папайя нь сарын тэмдгийн зөрчлийг арилгах байгалийн гаралтай хүнс юм. Уг жимс нь каротиноор баялаг бөгөөд бие махбод дахь эстрогений нийлэгжилтийг хурдасгахад тусалдаг. Цаашилбал, папайяа нь умайд сайнаар нөлөөлж, сарын тэмдгийг ирэлтийг түргэсгэнэ. Хэрэв та сарын тэмдгээ зохицуулахыг хүсвэл үүнийг тогтмол хэрэглэж байгаарай. Папайяны жүүс эсвэл хандыг ашиглаж болно.

2. Хасарваань

Хасарваань бол өвлийн улиралд тохиромжтой супер хүнс. Үүний нэг давуу тал бол биед дулаан ялгаруулах чадвар юм. Судалгаанаас үзэхэд хасарваань тогтмол хэрэглэдэг эмэгтэйчүүдийн сарын тэмдгийн мөчлөг нь алдагдалгүй болохыг харуулж байна.

Энэ нь төмөр, витамин С, фолат болон бусад амин чухал эрдэс, тэжээлийн баялаг, хүчтэй эх үүсвэр учраас сарын тэмдгийн асуудлыг зохицуулж, бэрхшээлийг арилгахад тусалдаг.

3. Витамин С-ээр баялаг хоол хүнс

Хүн бүрт хоолондоо витамин С ихээр агуулсан хүнс оруулахыг зөвлөж байна. Энэ нь таны дархлааг сайжруулах төдийгүй сарын тэмдгийг цаг тухайд нь ирүүлэхэд тусалдаг. Тийм ээ! Та үүнийг зөв уншсан.

Зарим шинжээчид Витамин С-ээр баялаг жимс, хүнсний ногоо нь хүний биед эстрогений нийлэгжилтийг нэмэгдүүлж, прогестерон дааврын хэмжээг бууруулж, умайн салст бүрхэвчийг зөөлрүүлэх үйлчилгээтэй гэж үздэг.

4. Яншуй

Яншуй бол таны сарын тэмдгийн мөчлөгийг зохицуулах супер үр дүнтэй сонголт юм. Яншуй нь С аминдэм ихээр агуулахаас гадна умайн агшилтыг өдөөж, сарын тэмдэгт сайнаар нөлөөлдөг. Харин жирэмсэн эмэгтэйчүүдэд тохиромжгүй хүнс гэж үздэг.Мөн бөөрний өвчнөөр шаналж буй хүмүүс хэт их яншуй идэхээс болгоомжлох хэрэгтэй.

Хэрэв сарын тэмдэг нь таныг стресст оруулж байгаа бол хоолондоо яншуй нэмээрэй. Эсвэл зүгээр л яншуйтай цай ууж болно (шинэ яншуйг буцалж буй усанд 5 минут байлгасны дараа уугаарай).

5. Цагаан гаа

Цагаан гаа нь бие махбод дахь сарын тэмдгийн урсгалыг өдөөж, зохицуулахад тусалдаг. Зарим судлаачид цагаан гаа нь умайн агшилтыг нэмэгдүүлдэг гэж үздэг.

Цагаан гаатай цай нь сарын тэмдгийн эмгэгийг зохицуулах хамгийн сайн зүйлсийн нэг юм. Та цагаан гаатай цайн дээрээ зөгийн бал нэмж болно.

6. Турмерик

Турмерик нь цагаан гаатай адил сарын тэмдгийн эмгэгийг арилгах, эстроген дааврын хэмжээг нэмэгдүүлэх, прогестерон дааврын түвшинг бууруулахад тусалдаг. Уг хүнс нь  сарын тэмдэг, нөхөн үржихүйн эрүүл мэндэд тустай байдаг.

Хэрэглээг нэмэгдүүлэхийн тулд өдөрт 1-2 хоолны халбагатурмеркийг заавал хоолондоо хэрэглээрэй.

7. Самар ба үр

Эдгээр нь таны нөхөн үржихүйн эрүүл мэндэд нэн тустай. Зарим самар нь сарын тэмдгийн тэнцвэргүй байдлыг арилгадаг байна. Бүйлс, хушга зэрэг нь эслэг, уураг, Омега 3-аар баялаг тул дулааныг өдөөж, сарын тэмдгийг хугацаандаа ирэхэд тусална.

Эх сурвалж: timesofindia

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд