Хумсаа мэрэх зуршил нь ихэвчлэн бага наснаас эхэлдэг. Бага байхаасаа л ийм зуршилтай байсан олон хүмүүс байдаг бөгөөд тамхинаас гарахад туйлын хэцүү байдагтай адил энэ зуршлаа хаяж чаддаггүй. Бидний ихэнх нь хумсаа мэрэх бол муу зуршил гэж бодож ирсэн. Гэхдээ энэ зуршил нь таны тухай сонирхолтой баримтуудыг илчлэх боломжтой.
1. Та бол төгс төгөлдөр үзэлтэн
Хумсаа мэрдэг хүмүүсийн дийлэнх нь ажилсаг байдаг гэсэн судалгаа гарчээ. Судлаачид хумсаа мэрэх зуршилтай болон хумсаа огт мэрдэггүй хоёр төрлийн хүмүүсийг судалгаанд хамруулжээ. Үүний үр дүнд А буюу хумсаа мэрэх зуршилтай хүмүүс илүү ажилсаг хандлагатай байгааг тогтоосон байна.
2. Та бодож байснаасаа илүү ухаалаг
Хумсаа хаздаг хүмүүс ихэнхдээ зорилгодоо хөтлөгдсөн, ердийн хэмнэлээр даалгавар гүйцэтгэдэггүй хүмүүс байдаг. Асуудлыг шийдэх гэж оролдож байх үедээ хүчтэй төвлөрдөг бөгөөд энэ үедээ хумсаа мэрэх хандлагатай байдаг .
3. Та тэвчээргүй хүн байж магадгүй
Уйтгар, уур бухимдал нь хумсаа мэрэхэд хүргэдэг чухал хүчин зүйл. Энэ нь нэгэнт зуршил болсон бол та дараа нь уйтгартай эсвэл ямар нэг зүйл хүлээж байхдаа хумсаа өөрийн эрхгүй мэрэх болно.
4. Та өөртөө сэтгэл хангалуун бус байдаг
Хумсаа хазах нь мэдрэлд нөлөөлдөг зуршил бөгөөд тодорхой хугацаанд хүмүүсийн сэтгэл санааг тайвшруулдаг. Хумсаа мэрдэг хүмүүс өөрсдөдөө асар их хүлээлт үүсгэдэг. Зорилгодоо хүрч чадахгүй байх үедээ тэд ихэвчлэн сэтгэлээр унаж, өөрөөсөө ичдэг.
5. Энэ нь сэтгэлзүйн асуудалтай холбоотой байх магадлалтай
Хумсаа хазах нь албадлагын эмгэгтэй холбоотой байж болох юм. Хүмүүс ямар нэгэн зүйлийг дахин хийх хүсэл эрмэлзэлтэй үедээ хумсаа хаздаг. Гэсэн хэдий ч хумсаа мэрдэг хүн бүр сэтгэцийн өөрчлөлттэй гэсэн үг биш. Харин энэ нь удаан үргэлжлэх тусам даван туулахад хэцүү байдаг.
Эх сурвалж: Brightside
