No menu items!
HomeОнцлохЛууван нь зүрхний өвчин тусах эрсдэлийг бууруулна

Лууван нь зүрхний өвчин тусах эрсдэлийг бууруулна

-

Лууванг өвлийн улиралд хэрэглэхэд хамгийн тохиромжтой ногоо гэдэг. Энэ нь айл болгоны гал тогоонд түгээмэл байдгаас гадна тэжээллэг чанар өндөртэй юм. Лууван нь бета-каротин, эслэг, антиоксидант, кальци агуулдаг бөгөөд жин хасах, хоол боловсруулах, нүд, арьсны эрүүл мэндэд эерэг нөлөөтэй. Гэхдээ лууванг өдөр тутмын хоол хүнсэндээ хэрэглэх нь таны зүрхэнд тустай гэдгийг мэдэх үү?

Өмнө дурдсанчлан, лууван нь бета-каротинаар баялаг юм. Энэ нь лууванг улбар шар өнгөөр ​​хангахаас гадна хүний ​​биед ороод А аминдэм болж хувирдаг. Illinois их сургуулийн судлаачдын үзэж байгаагаар энэхүү хувиралт нь цусан дахь муу холестерины түвшинг бууруулдаг гэжээ. Энэ нь дэлхий даяар түгээмэл тохиолддог зүрх судастай холбоотой томоохон аюул болох атеросклерозын өвчнөөс урьдчилан сэргийлэхэд тусалдаг байна. Атеросклерозын хэмээх зүрх судасны өвчин бол бидний артерийн өөх тос, холестерины хуримтлал юм.

Судлаачид бета-каротины зүрхний эрүүл мэндэд үзүүлэх нөлөөг олж мэдэхийн тулд хоёр судалгаа хийсэн байна. (нэг нь хүнд, нөгөө нь хулгана дээр)

Эхний судалгаагаар тэд 18-25 насны 767 эрүүл залуу насанд хүрэгчдийн цус, ДНХ-ийн дээжийг судалж үзжээ. Судлаачид “бета каротин оксигеназа 1” (BCO1) гэж нэрлэгддэг фермент нь бета-каротиныг хувиргах үүрэгтэй болохыг тогтоосон байна.  Энэ нь А аминдэм, холестерины түвшинтэй холбоотой байдаг. Бага идэвхтэй ферменттэй хүмүүс А аминдэм бага ялгаруулж, холестерины хэмжээ нь өндөр байв.

“Харин “BCO1” ферментийг илүү идэвхтэй ялгаруулдаг хүмүүсийн цусан дахь холестерины хэмжээ бага байсан. Энэ бол бидний анхны ажиглалт юм” гэж тус их сургуулийн Хүнс судлал ба ​​хоол тэжээлийн тэнхимийн туслах профессор Жауме Аменгуал тайлбарлав. /Эхний судалгааны үр дүнг Journal of Nutrition сэтгүүлд нийтлэгдсэн байдаг/

Хоёр дахь судалгаа (хулгана дээр) нь эхний судалгаагаа үргэлжлүүлэн хийсэн болно.

Хулгануудын судалгааг хийхдээ хүн дээр хийсэн туршлагаас олж мэдсэн зүйлээ үржүүлсэн байна. “Бид бета-каротиныг хулганад өгөхөд холестерины хэмжээ бага байгааг тогтоосон. Хулгануудын артерийн судсанд бага хэмжээний атеросклерозын гэмтэл буюу товруу үүсгэсэн. Энэ үед бета-каротиноор тэжээгддэг хулгана нь атеросклерозын эсрэг био идэвхтэй нэгдэлгүйгээр хооллодог хүмүүсээс илүү хамгаалалттай байсан юм” гэжээ.

Дээрх хүчин зүйлүүдийг харгалзан бид луувангийн хоргүйжүүлэх ундааны жорыг танд хүргэж байна.

Орц

·         2-3 лууван

·         2 жүрж

·         2 халбага цагаан гаа

·         1 халбага turmeric

·         1 халбага нимбэгний шүүс

Хийх арга

1.Жүрж, лууванг жүүс шахагчаар тус тусад нь шүүнэ.

2.Тэднийг шилэн аяганд хийнэ.

3. Дараа нь тэдгээрийг холигчинд хийнэ.

4. Цагаан гаа, турмерик нэмнэ.

 5. Сайтар холино.

Эх сурвалж: Foodndtv.com

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд