- Судлаачид хүүхдэд хэрэглэх тун, хоорондын зай, тунгийн хэмжээг судлах шаардлагатай байна.
- Энэ процесс хэдэн ч сар үргэлжилж магадгүй гэж хүүхдийн халдварт өвчний мэргэжилтнүүд үзэж байна.
- Хүүхдүүд 2021 оны дунд үе буюу сүүлч хүртэл батлагдсан вакцингүй байх болно.
Хэдийгээр насанд хүрэгчдэд COVID-19-ийн эсрэг вакциныг удалгүй хийж эхлэх боловч хүүхдийн вакцин батлагдах хүртэл хэдэн сарын хугацаа байна.
Энэ жил хийсэн клиник туршилтаар, насанд хүрэгчдэд хийх вакцины аюулгүй байдал, үр нөлөөг туршиж үзсэн бөгөөд судлаачид вакцин бага насны хүүхдүүдэд хэрхэн нөлөөлж байгаа талаар нэмэлт судалгаа хийх шаардлагатай гэжээ.
Судлаачид хүүхдэд хэрэглэх тун, хоорондын зай, тунгийн хэмжээг судлах шаардлагатай байна.
Энэ процесс хэдэн ч сар үргэлжилж магадгүй гэж хүүхдийн халдварт өвчний мэргэжилтнүүд үзэж байна. Хүүхдийн вакцин 2021 оны зун эсвэл намар хүртэл гарахгүй байж магадгүй юм.
Арван нэгдүгээр сард Америкийн Хүүхдийн Анагаах Ухааны Академи (AAP) -аас эм үйлдвэрлэгчдийг хүүхдүүдийг вакцинд хамруулахыг уриалсан мэдэгдэл нийтлэв.
АНУ-д аль хэдийн 1 сая гаруй хүүхэд COVID-19-ийг туссан бөгөөд эмнэлзүйн туршилтыг хойшлуулснаар вакцины хүртээмжийг ч хойшлуулж, цаашлаад эрүүл мэнд, хөгжилд нь нөлөөлж болзошгүй юм.
“Хүүхдүүдэд вакцин хийх ажил зуны эхэн үеэс илүү одоо тааламжтай үе юм. Хэдэн арван мянган насанд хүрэгчдэд бий болсон бүх өгөгдлийг харгалзан үзэхэд бидэнд бага зэрэг хугацаа шаардагдана. Судалгаанд хамрагдаж байгаа хүүхдүүдэд вакцин хийх талаар бодож үзэх хэрэгтэй “гэж Стэнфордын хүүхдийн халдварт өвчний мэргэжилтэн, доктор Ивонн Мальдонадо хэлжээ.
Туршилтийг хэрхэн хийх вэ?
Малдонадогийн хэлснээр вакциныг хүүхдүүдэд хийхээс өмнө насанд хүрэгчдэд туршиж үздэг.
Энэ жил насанд хүрэгчдэд хийсэн эмнэлзүйн туршилтад хэдэн арван мянган оролцогч хамрагджээ. Эхний өгөгдлүүдэд туршилтаар вакцин үр дүнтэй, аюулгүй болох нь тогтоогдсон боловч илүү их судалгаа хийх шаардлагатай гэж үзсэн байна.
Вакцинууд нь дархлааны үр дүнтэй хариу урвалыг үзүүлдэг бөгөөд зарим хүмүүсийн санаа зовж байсан үрэвслийн эсрэг дархлааны хариу урвалыг хөнгөвчлөөгүй аж.
“Энэ бол ердийн аюулгүй ажиллагааны маневр юм. Бид аливаа зүйлийг насанд хүрэгчдэд эхлээд туршиж, аюулгүй, дархлаа сайтай эсэхийг шалгаад дараа нь хүүхдүүдэд хэрэгжүүлэх ёстой”гэж Миннесотагийн Их Сургуулийн Анагаах Ухааны Сургуулийн хүүхдийн эмгэг судлалын туслах профессор, доктор Бет Тиелен хэлжээ. Мөн энэ үйл явц нь өвчнөөс хамааран өөр өөр байж болохыг тэмдэглэсэн байна.
Жишээлбэл, Pfizer саяхан вакцинаа 12 ба түүнээс дээш насны хүүхдүүдэд туршиж эхэлсэн. Бусад тэргүүлэгч үйлдвэрлэгчид болох AstraZeneca, Moderna нар вакцинаа хүүхдүүдэд туршиж эхлээгүй байна.
Судалгаагаар эдгээр элементүүдийг хүүхдэд тохируулах шаардлагатай эсэхийг тодорхойлохын тулд тун, тунгийн хэмжээ, тунгийн хоорондох зайг судлах шаардлагатай болно.
Дунд насны хүүхдүүдэд вакцин аюулгүй байдлыг үзүүлбэл дараа нь бага насны хүүхдүүдийг аажмаар хамруулж болно.
Туршилтууд хэр үр дүнтэй байх вэ?
Вакцины аюулгүй байдлын туршилт насанд хүрэгчдэд эерэг нөлөө үзүүлсэн. Харин хүүхдэд хийх туршилтын үр дүнг харахын тулд хэдэн мянган хүүхдийг хамруулах шаардлагатай байна.
“Хэрэв насанд хүрэгчдэд хийсэн томоохон клиник туршилтуудаар, вакцинууд хүний биед аюулгүй гэдгийг нотолж чадвал бусад хүмүүст хийхдээ FDA /Хүнс тэжээлийн нийгэмлэг/ итгэлтэй байна. Хүүхдэд ч туршилт хийж болно”гэж Малдонадо тайлбарлав.
Туршилтаар вакцин хийлгэсэн хүүхдүүд вирусээр өвчилсөн эсэх, мөн эсрэгбиеийн хариу урвал нь насанд хүрэгчдийг хүнд өвчнөөс хамгаалах эсэхийг судлах болно.
Хэрэв туршилтаар хүүхдүүдийн эсрэгбиеийн хариу урвал хангалттай бол FDA вакциныг хүүхдүүдэд яаралтай (EUA) зөвшөөрч болно.
Судлаачид вакцины ашигтай чанарыг ойлгохын тулд цаг хугацаа шаардлагатай гэжээ. Учир нь хүүхдүүдийн биеийн байдлыг үргэлжлүүлэн харах хэрэгтэй.
“Бид 2021 онд хүүхдүүдэд төдийгүй насанд хүрэгчдэд зориулсан вакцин хийхийг хүсч байна” гэж Мальдонадо хэлэв. Тэрээр 2021 оны зун эсвэл намрын улиралд хүүхдүүдэд зориулсан вакцин гаргахаар төлөвлөж байгаа гэсэн юм.
Хүүхдүүд бага эрсдэлтэй боловч COVID-19 тусах боломжтой
Ерөнхийдөө хүүхдүүд COVID-19-өөр өвдөх эрсдэл өндөр настай хүмүүстэй харьцуулахад бага. Ховор тохиолдолд зарим хүүхдүүдэд олон системт үрэвслийн синдром буюу MIS-CTrusted Source хэмээх өвчин үүсдэг. Энэ нь эрхтнүүдийг гэмтээдэг үрэвслийн хариу урвал юм.
Халдвар авсан хүмүүсийн дунд, бага зэргийн шинж тэмдэг илэрдэг эсвэл огт шинж тэмдэггүй тохиолдол байгаа тул хүүхдүүд ч бас чимээгүйхэн вирус дамжуулах боломжтой гэсэн үг.
Вакцин нь хүнд хэлбэрийн өвчнөөс урьдчилан сэргийлэхэд зориулагдсан. Харин зарим хүмүүсийг халдвараас бүрэн сэргийлж чадах эсэх, вирусын гаралтыг бууруулж, халдвар тараах эрсдэлийг бууруулах боломжтой эсэх нь тодорхойгүй байна.
Вакцин нь олон нийтийн дунд халдвар тархах эрсдэлийг бууруулах арга зам болсоор ирсэн. Жишээлбэл, хүүхдүүдэд томуугийн эсрэг тариа хийхэд бүхэл бүтэн нийгмийг, ялангуяа хүндрэлд өртөх эрсдэлтэй нярай болон хөгшчүүлийг хамгаалдаг болохыг тогтоожээ.
“Энэ нь зөвхөн таны хүүхдэд хамаатай зүйл биш. Тэд эмээ өвөө эсвэл бусад хөгшчүүлтэйгээ хамт цагийг өнгөрөөдөг бол яах вэ? хэмээн Тиелэн хэлэв.
Тэмдэглэл
Вакциныг насанд хүрэгчдэд хэдэн долоо хоногийн дотор хийж болох ч хүүхдүүд 2021 оны сүүлч хүртэл вакцин авах боломжгүй байх магадлалтай.
Одоогийн байдлаар хийгдсэн клиник туршилтууд нь вакцины аюулгүй байдал, насанд хүрэгчдэд үзүүлэх үр нөлөөг л анхаарч үзсэн.
Хүүхдийн халдварт өвчний эмч нар бага насны хүүхдүүдийг эмнэлзүйн туршилтанд хамруулснаар, үйл явцыг түргэсгэх, хүүхдүүдийг эрт вакцинд хамруулахад тусална гэж найдаж байна.
Эх сурвалж: healthline
