ЭМЯ-аас коронавируст халдварын нөхцөл байдлын талаар ээлжит мэдээллээ хийлээ.
ХӨСҮТ-ийн Тандалт, судалгааны албаны дарга А. Амбасэлмаа:
“Өчигдрийн байдлаар нийтдээ 11929 хүнд PCR шинжилгээ хийлээ. Үүнээс 22 хүний шинжилгээнд COVID-19 илэрлээ. Дотоодод илэрсэн 18, зөөвөрлөгдсөн 4 байна.
Улаанбаатар хотод 5 тохиолдол нэмэгдэж, 60 боллоо. Эдгээр 5 тохиолдолдол нь халдвар авсан хүнтэй хавьтал болсон хүмүүс байна.
Сэлэнгэ аймагт 10 тохиолдол нэмэгдэж 167, Дархан-Уул аймагт 2 тохиолдол нэмэгдэж 35, Дорноговь аймагт 1 нэмэгдэж 21 боллоо.
Зөөвөрлөгдөн ирсэн 4 тохиолдол нь ТИР машины жолоочид. Хоёр нь монгол, нэг нь ОХУ, нэг нь Беларусь улсын иргэн байна.
Орхон болон Говьсүмбэр аймагт шинээр халдвар бүртгэгдээгүй. Орхон аймагт 22, Говьсүмбэр аймагт 3 тохиолдол байна.
Дотоодод бүртгэгдсэн халдварын нийт тохиолдол 318 боллоо. МУ-д илэрсэн нийт халдварын тохиолдол 760, үүнээс эдгэрсэн 347 байна. Улсын хэмжээнд кластер өвчлөлийн 8 голомт байна. Эдгээр нь Улаанбаатар хот, таван аймаг, “Энхсаран” сувилал, ХӨСҮТ” гэв.