Хүүхдүүд яагаад ууртай болдог вэ. Хүүхдээ сэтгэлзүйн цочролоос аврахын тулд үүний шалтгааныг олох нь чухал юм.
ГЭР БҮЛИЙН МАРГААН
Хүүхдийн хүмүүжилд хамгийн чухал нөлөө үзүүлдэг зүйл бол гэр бүлийн орчин. Аав ээж, гэр бүл, хамаатан садныхаа дарамтад өртсөн хүүхдүүд бусдаас илүү дээрэлхэх, түрэмгийлэл үзүүлэх хандлагатай байдаг. Хүүхэд танхай балмад ааш авиртай нэгэн болдог бөгөөд дутагдалтай зүйлдээ хяналт бий болгодог. Дутуугийн мэдрэмж нь бусдыг харгис хэрцгий байдлаар захирах дотоод хүслийг өдөөдөг байна.
ГАДУУРХАЛ
Өсвөр насныхан биесээ дээрэлхдэг үйл явдал дэлгэцийн уран бүтээлд ихээхэн тусгагдсан байдаг. Хүүхдүүд үүнийг зугаа цэнгэлийн төлөө хийдэг мэт харагдавч цаад шалтгаан нь нийгмийн статусаа илэрхийлэх арга зам юм. Алдартай байдал нь хүч чадлыг бий болгодог. Судлаачид нийгмийн сүлжээний яг төвд байдаг хүүхдүүд төвийн гадна байрладаг хүүхдүүдээс түрэмгий зан чанар бага байдаг гэжээ.
СУЛ ДОРОЙ БАЙДАЛ
Судлаачид хүүхдүүд түрэмгий бус, бусдыг дээрэлхэхийг оролддоггүй гэж үздэг. Тэд бүлгийнхээ байр суурийг дагаж, удирдагчийн статусаа алдахаас айдаггүй. Хүүхэд түрэмгий аашлах нь сул дорой байдлын илрэл гэж үздэг. Бүлгийн дунд эзлэх байрандаа итгэлгүй, сул дорой байдлаа далдлахын тулд бусдыг дээрэлхэх байдлаар хариу үйлдэл үзүүлдэг.
БУСДЫН ДАРАМТ ШАХАЛТ
Хүүхдүүд нэгнийгээ даган дуурайх хандлагатай байдаг. Хүрээллээсээ гадуурхагдахгүйн тулд бусадтайгаа адил зан үйлдэл гаргадаг. Үе тэнгийнхний шахалт маш хүчтэй байж болох бөгөөд хүүхдүүд заримдаа тэдэнтэй адилхан харьцах, бүлэгт багтахгүй сул дорой хүүхдийг дээрэлхэхээс өөр сонголт байхгүй гэж боддог.
ХАРИУГАА АВАХ
Хүүхдүүд бүлэглэн дээрэлхэх хэргийн золиос болсон тохиолдолд хариугаа авах замаар бусдыг дээрэлхэх хандлагатай байдаг. Эдгээр хүүхдүүд ихэвчлэн өөрсдийн үйлдлээрээ зөвтгөгдөж, хэн нэгнийг доромжилж байж тайвширдаг. Дээрэлхүүлж байсан сул дорой байдал нь эргээд хүүхдийн сэтгэл зүйд нөлөөлдөг.
ХҮҮХЭДДЭЭ ТАВИХ АНХААРАЛ БАГА
Бусдаар хайрлуулж өссөн хүүхэд бусдыг хайрладаг. Тиймээс хүүхэддээ анхаарал халамж, цаг зав гаргаснаар хүүхдээ буруу зам руу уруу татагдахаас сэргийлж чадна. Хүүхэддээ тавах анхаарал халамж багаас болж хүүхэд дээрэлхэх, доромжлох зэрэг түрэмгий зан авр гагадаг байна.
ХЭВШМЭЛ, ӨРӨӨСГӨЛ ОЙЛГОЛТ
Хэвшмэл, өрөөсгөл ойлголт дээр үндэслэн нэгнийгээ дээрэлхэх нь хаана ч тохиолдож болно. Энэ нь зарим бүлэг хүмүүст өөрөөр хандах ёстой гэсэн итгэл үнэмшлээс үүдэлтэй юм. Хүүхэд нийгмийн байдал болон бусад шалтгаанаар өөрийгөө нөгөөгөөсөө илүү гэж бодох нь дээрэнгүй авир гаргахад хүрдэг байна.
