LOADING

Type to search

Хүмүүс

“Цэрэг эрс” цувралын жүжигчид 15 жилийн дараа

Share

Бидний сайн мэдэх “Цэрэг эрс” цуврал хойд хөршид одоо ч алдартай хэвээр байгаа. Энэ удаагийн “Хүмүүс” буландаа “Цэрэг эрс” цувралын жүжигчдийг онцолж байна.

Борис Щербаков

(Хурандаа / хошууч генерал Павел Терентьевич Бородин)

ОХУ-ын Ардын жүжигчин Борис Щербаков энэ цувралын хамгийн алдартай жүжигчдийн нэг юм. “Цэрэг эрс” кинонд бүтээсэн дүр нь түүний карьерын нэгэн чухал тэмдэг болжээ. Үүний  дараа тэрээр “Аэробатик”, “Жуков”, “Туркийн транзит” цуврал кинонуудад оролцож байжээ.

Роман Мадьянов

(Хошууч / дэд хурандаащ Виктор Романович Колобков)

Роман Мадьянов 200 кинонд тоглож, Ника, Алтан бүргэдийн шагналыг хэд хэдэн удаа хүртэж байжээ. “Цэрэг эрс” цуврал нь түүнд үүнээс ч илүү нэр хүндийг авчирсан гэдэг. Тэрээр арван настайгаасаа кинонд тоглож эхэлсэн байна.

Алексей Маклаков

(дэслэгч Олег Николаевич Шматко)

Алексей Маклаков хошууч Шматкогийн дүрд 44 насандаа тоглож байжээ. Алексей шүтэн бишрэгчидтэйгээ уулзахдаа “Сайн уу, Шматко!” гэж дуудуулахдаа дуртай байдаг гэдгээ нуудаггүй. Алексей Маклаков гурван удаа гэрлэж, таван хүүхдийн эцэг болжээ.

Павел Майков

(ахмад Павел Наумович Кудашев)

Түүнийг үзэгчид “Бригад” киноны дүрээр нь илүүтэй таньдаг. Гэвч түүнийг тодотгох бас нэгэн дүр нь яах аргагүй ахмад Павел юм. Майков жүжигчнээс гадна ая зохиодог байна.

Игнат Акрачков

(ахмад Валерий Геннадьевич Смалков)

Игнат Акрачков Москвад төрж өссөн. Түүний эцэг эх нь урлагтай ямар ч холбоогүй байсан бөгөөд ээж нь хүүгээ Москвагийн Улсын Их Сургуульд суралцахыг мөрөөддөг байжээ. Гэсэн хэдий ч Игнат өөрөөр шийдэж, Театрын дээд сургуульд орсон байна.  Жүжигчин маань “Цэрэг эрс”кинонд дэслэгч Смалковын дүрд тоглож олны танил болсон юм.

Ольга Фадеева

(эмнэлгийн ажилтан, түрүүч Ирина Пылеева)

Ольга Фадеева карьераа театрын жүжигчнээр эхэлж байсан. Тэрээр анх “Түргэн тусламж” цувралд  Мария Соколовагийн дүрийг бүтээжээ. Ольга Фадеева найруулагч Александр Самохваловтой хоёр амьдралаа эхлүүлсэн гэдэг. Хосууд дундаасаа Алексей хэмээх хүүтэй ажээ.

Иван Моховиков

(цэрэг Соколов)

Иван Моховиковын бүтээсэн Кузма Соколов үзэгчдийн хайртай дүрүүдийн нэг билээ. Иваны анхны дүр бол “Гражданин начальник” цувралын дээрэмчин бөгөөд “Цэрэг эрс” кино түүнд агуу алдар нэр, олон киноны  саналыг авчирсан юм.

Александр Лымарев

(бага түрүүч Михаил Медведев)

Александр Лымарев бол РСФСР-ийн Ардын жүжигчин Александр Кирсановын ач хүү юм. Ирээдүйн жүжигчин 13 настайдаа Европын бүжгийн аварга шалгаруулах тэмцээнээс хүрэл медаль хүртэж байжээ. Александр Щукины нэрэмжит театрын дээд сургуулийг амжилттай төгссөн. Тэрбээр эхнэр Мария Лымаревтай дунд сургуульд байхдаа танилцсан гэдэг. Тэрээр амьдралаа ил гаргах дургүй бөгөөд ярилцлага өгдөггүй ажээ.

Антон Элдаров

(ахлах түрүүч Георгий Гунко)

“Цэрэг эрс” цуврал Антонд маш их нэр хүндийг авчирсан бөгөөд кинонд тоглох санал тасраагүй байна. Түүний хамгийн гайхалтай бүтээлүүдийн нэг бол мэс засалч Салам Магомедович Гафуров, телевизийн олон ангит киноны дүр юм.

Виталий Абдулов

(ахлах түрүүч Евсеев)

“Цэрэг эрс” цуврал Абдуловын карьерыг мөн л өсгөсөн. Уг кинонд тоглосны дараагаар түүнд санал тавих найруулагч цөөнгүй байжээ. Абдулов мөн хувийн амьдралаа тэр болгон нийтэд зарлаад байдаггүй хүн юм.

error: Content is protected !!