Сургуулийн насны хүүхдүүдийн хамгийн том үйл явдлуудын нэг нь уншиж сурах юм. Тэд хуудсан дээр бичигдсэн үгсийг ойлгосны дараа бүх дэлхий тэдний өмнө нээгдэнэ. Сургуулийн насны хүүхдүүдэд зориулсан номын сонголт олон байдаг.
Гэхдээ хүүхдүүд бие даан уншиж сурах, унших чадвараа бэхжүүлэхийн тулд өөрсдөө сурах нь чухал хэдий ч эцэг эхчүүдийн оролцоо маш их нөлөөтэй. Эцэг эх, хүүхдүүд яагаад хамтдаа ном уншиж байх ёстой зарим шалтгааныг энд орууллаа.
Номонд дурлана
Ном унших нь танай гэр бүлийн амьдралын хэв маягийн нэг хэсэг бол оройн хоол идэх, усанд орох гэх мэт ердийн зүйлтэй адил санагдах байх. Хүүхэд тантай хамт уншиж, номыг мэдрэх тусам утгыг илүү сайн ойлгоно. Бага насны хүүхдүүдтэйгээ хамт ном унших нь тэдэнд зөв хэвшил суулгаж өгдөг.
Ном унших нь утас ашиглах, телевиз үзэх цагийг багасгана
Ном уншихыг цагийн хуваарийнхаа нэг хэсэг болговол энэ нь аяндаа хүүхдийн дэлгэцийн цагийг багасгах болно. Та хүүхдийнхээ ашигладаг төхөөрөмжид онлайн математикийн тоглоом гэх мэт боловсролын агуулгыг багтаасан байх ёстой. Ингэснээр тэд утас, компьютер ашиглахдаа ч гэсэн мэдлэг олж авах боломжтой юм.
Цагаа хамт өнгөрөөж, харилцаагаа бэхжүүл
Хүүхэдтэйгээ холбогдох хамгийн сайн арга бол сайхан түүхийг ярилцах. Энэ нь хамтдаа цагийг өнгөрөөх, хүүхэдтэйгээ харилцаа холбоогоо бэхжүүлэх гайхалтай арга зам төдийгүй уншиж буй үлгэрийн талаар хариу үйлдэл, санал бодлоо хуваалцах боломжийг танд олгоно. Энэ нь таны хүүхдийн өөрийн үзэл бодлыг бий болгож, тэдэнтэй харилцахад тусална.
Хүүхэдтэйгээ хамт аливаа зүйлийг хийх нь хоорондоо холбоотой байх гайхалтай арга бөгөөд дугуй унах, явган аялал хийх зэрэг нь бие бялдрын чийрэг байлгахад тусалдагтай адил юм. Ном хамт унших нь таны хүүхдийг оюуны чадамжтай болгоход тусална.
Энэ нь хүүхдүүдэд чухал чадвар болох чангаар унших дадлага хийхэд тусалдаг
Хүүхдийн унших чадвар өсөхийн хэрээр та номын хэсгүүдээ ээлжлэн, чангаар уншаарай. Үүнийг хийснээр, хүүхдийн өөртөө итгэх итгэлийг нэмэгдүүлж, уншиж хэвшихэд нь тусална. Энэ нь сургуульд ороход, сурч мэдэхэд хэрэгтэй ур чадвар байх болно. Чанга унших нь хүүхдийн дуудлагыг сайжруулах, үгсийн санг нэмэгдүүлэх, түүхийн гүн гүнзгий утгыг олж авах, ойлгоход нь тусалдаг.
Хөгжилтэй байна
Хүүхэдтэйгээ хамт ном унших хамгийн том давуу тал бөгөөд хөгжилтэй байдаг. Хүүхэдтэйгээ хөгжилдөх нь харилцааг улам ойртуулахаас гадна ашиг тус ихтэй. Эцэг эхчүүд хүүхдүүдтэй тоглож, зугаацах нь хүүхдийн хожимын хөгжил, аз жаргалтай, эрүүл байх боломжийг нэмэгдүүлэх хамгийн сайн арга юм.
Эх сурвалж: verywellfamily