Ерөнхий сайд асан Ч.Сайханбилэгийн гэргий жүжигчин, загвар өмсөгч О.Байгал эр нөхрийн хамт эрх чөлөөний Америк оронд амьдарч буй. Хаа холоос бизнесээ удирддаг тэрээр олон хоногоор мацаг барьж байгаа аж. Энэ тухайгаа өөрийн цахим хуудаснаа тэмдэглэж, мацаглаж байх хугацаандаа бага энерги зарцуулахын тулд ном уншиж буйгаа сонирхуулжээ.
Хатагтай О.Байгалийг өөрийн нэрээр нэрлэсэн “Байгаль” гоо сайхны салоноор нь хүмүүс багагүй мэддэг болсон. Хэдэн жилийн өмнөөс тэрээр “Байгал” брэндийн ээмэг бөгж зүүлт зэргийг дээдсийн хүрээнийхэнд зориулан гаргасан. Нэг бүр нь дунджаар 10-20 саяар үнэлэгдэх цагаан алт, байгалийн цэвэр шүр, номин зэрэг үнэт эрдэнийн чулуугаар урлах “Baigal” брэндээр чухамдаа баячуудын охид, эхнэрүүд л гоёж гооддог. Тус брэнд нь Монгол Улсдаа үйлдвэрлэл явуулахаас гадна гаднын улсад захиалгаар нийлүүлдэг ажээ.