Гоо сайхны бүтээгдэхүүн худалдаж авахдаа анхаарч байх нь хамгийн чухал. Өөрийн арьсандаа тохирохгүй бүтээгдэхүүн хэрэглэснээс болж, арьс гэмтэх, үрэвсэх зэрэг сөрөг үр дагавар гардаг байна. Та бүхэн гоо сайхны бүтээгдэхүүн худалдаж авахдаа дараах зүйлсийг анхаарч байгаарай.
Үнэртэж үзэх
Бүтээгдэхүүн худалдаж авахад хамгийн энгийн бөгөөд түрүүлж хийх алхам бол үнэрлэх юм. Сайн чанарын бүтээгдэхүүн хэзээ ч хурц, хамар цоргисон үнэртэй байдаггүй. Байгалийн гаралтай бүтээгдэхүүн нь зөөлөн тааламжтай үнэртэй байдаг. Иймээс гоо сайхны бүтээгдэхүүн сонгохдоо үнэрлэж үзэх хэрэгтэй.
Хадгалах хугацаа
Та худалдан авах гэж буй гоо сайхны бүтээгдэхүүний хадгалах хугацааг хамгийн түрүүнд харж хэвшэрэй. Хэзээ үйлдвэрлэгдсэн он сараас илүү хэдэн жилээр хадгалах нь чухал. Жишээлбэл, 3 жилээс дээш хадгалах боломжтой бүтээгдэхүүн нь ямар нэг хортой химийн бодис агуулж байдаг. Таны бүтээгдэхүүн зургаан сараас хэтрэх ёсгүйг анхаараарай
Орц найрлагыг заавал харах
Таны сонгох бүтээгдэхүүнд сорбин, бензойны хүчил, гиалуроны хүчил, пантенол, гидролизд, витамин Е зэрэг агуулагдаж байх хэрэгтэй. Харин газрын тос (батга үүсгэгч), пропилен гликол (харшил үүсгэгч), натрийн сульфат, глицерол (арьс хуурайшуулна) зэрэг найрлагатай бүтээгдэхүүнийг худалдан авахгүй байх хэрэгтэй. Та өөрийн сонгох гэж байгаа бүтээгдэхүүний орцыг ажиглаж, сайтар судласны үндсэн дээр сонгох хэрэгтэй. Аливаа бүтээгдэхүүнийг орц найрлагаар нь 3 ангилж үздэг байна.
Байгалийн гаралтай бүтээгдэхүүн- Энэ нь удаан хугацааны турш хэрэглэсний дараа арьсанд үр дүнгээ үзүүлдэг. Байгалийн гаралтай бүтээгдэхүүн нь хүний биед хоргүй бөгөөд гаргасан үр үнгээ удаан хугацаанд барьдаг.
Холимог найрлагатай бүтээгдэхүүн- Үүнийг томоохон компаниуд шинжилгээ сайтар хийсний дараа, хүмүүсийн хэрэглээнд нэвтрүүлдэг. Тус төрлийн бүтээгдэхүүний орцонд антиоксидантууд багтахаас гадна нэмэлт химийн бодис агуулагддаг.
Химийн найрлагатай бүтээгдэхүүн- Эдгээр төрлийн бүтээгдэхүүн нь өтгөн, хурц үнэртэй байх бөгөөд хадгалах хугацаа нь урт байдаг. Мэдээж байгалийн гаралтай бүтээгдэхүүнийг бодвол, арьсанд үзүүлэх сөрөг нөлөө ихтэй бөгөөд удаан хугацаагаар хэрэглэвэл, үрэвсэл үүсгэх нь бий.
Бүтээгдэхүүн сонгохдоо тэмдэглэгээг сайтар харж байгаарай.
Г.Жаргал