2022 оны аравдугаар сарын 14-нд Ланд-200 автомашин хөлөглөсөн эмэгтэй жолооч хөдөлгөөнд оролцож байсан долоон машин мөргөж, явган зорчигч хоёр хүнийг гэмтээсэн. Харин цагдаагийн байгууллагаас энэ талаар мэдээлэхдээ, “Хоёр хүүхдийн эрүүл мэндэд хохирол учруулсан хэргийг шалгаж байна. Осолд өртсөн иргэн С-ийн эрүүл мэндэд хөнгөн хохирол буюу зүүн өвдөг шарх, баруун шилбэ, зүүн өвдөгт зулгаралт, гэмтэл тогтоогдсон. Энэ нь шүүх эмнэлгийн гэмтлийн зэрэг тогтоох журмын 2.4.1-д зааснаар гэмтлийн хөнгөн зэрэгт хамаарна гэсэн дүгнэлт гарлаа. Энэхүү дүгнэлтэд тулгуурлан хохирогчийн ар гэрээс эрүүл мэндийн байгууллагаар нэмэлт шинжилгээг хүлээн, шинжээчдийг нэмэлтээр томилон ажиллаж байна” гэдгийг хэлсэн юм.
Тэгвэл албаны эх сурвалж, хүүхдийн биеийн байдлын талаар олон нийтэд мэдээлэл өгөхийг ар гэрийнхэн нь зөвшөөрөхгүй байгааг онцолжээ. Хүний эрүүл мэндийн байдлын мэдээлэл хувийн нууцад хамаарагддаг. Ийм учраас олон нийтэд мэдээлэл өгөхийг ар гэрийнхэн нь зөвшөөрөхгүй байгаа бөгөөд эмчилгээ хэвийн үргэлжилж байгаа аж.
