Хичээл сургууль эхлэхэд цөөн хоног үлдлээ. Үүнтэй холбогдуулан төрийн өмчийн их, дээд сургуулийн сургалтын төлбөр ямар байгаа талаарх мэдээллийг хүргэе.
АШУҮИС
АШУҮИС-ийн шинэ элсэгчийн 1 кредит цагийн сургалтын төлбөр дээд тал нь 117,610 төгрөг байна. Хүний их эмч, хүүхдийн эмч, уламжлалт анагаахын эмч зэрэг мэргэжлүүдийн хувьд ийм байгаа аж. Харин кредит цагийн төлбөр хамгийн бага нь Уламжлалт анагаах ухааны сувилагч бөгөөд төлбөр нь 40,700 байна.
МУИС
МУИС-ийн хувьд сургалтын төлбөрт өөрчлөлт ороогүй байна. Тодруулбал, нэг багц цагийн үнэлгээ ерөнхий суурь хөтөлбөрийнх 98,600 төгрөг. Харин мэргэжлийн суурь болон бусад хичээлийн төлбөр 100,700-120,800 төгрөгийн хооронд байна.
МУБИС
МУБИС нь тухайн суралцагчийн хэдэн кредит болон ямар хичээл үзэж байгаагаас шалтгаалаад 78-96 мянган төгрөг байна.
ШУТИС
2022-2023 оны хичээлийн жилд ШУТИС-ийн сургалтын төлбөрийг дараах байдлаар тогтоожээ. Уг мэдээлэл нь тус сургуулийн веб хуудсанд байршсан байна.
Тодруулбал,
Барилга, архитектурын сургууль
Геологи, уул уурхайн сургууль
Механик тээврийн сургууль
Мэдээлэл холбоо технологийн сургууль
Үйлдвэрлэлийн технологийн сургууль
Эрчим хүчний сургуульд ИНЖЕНЕР, ТЕХНОЛОГИ хөтөлбөрөөр суралцагчдын 1 кредит цагийн төлбөр 138,016 байна.
Нэг кредит цагийн төлбөр өнгөрсөн хичээлийн жилийнхээс 33 орчим мянган төгрөгөөр нэмэгджээ.
СУИС
Тус сургуулийн сургалтын төлбөр одоогоор эцэслэн батлагдаагүй, тодорхой болсон цагт мэдээлэл өгнө гэв.
СЭЗИС
2022-2023 оны хичээлийн жилд тус сургуулийн үндсэн болон хамтарсан хөтөлбөрүүдийн нэг кредит цагийн төлбөр 185 мянган төгрөг болжээ.
