Шинэхэн өглөөг ядрангуй угтах нь амьдралын хэв маяг, нойрны хэв маяг болоод цаашилбал эрүүл мэндийн шалтгаантай байдаг аж. Хэрэв удаан хугацаанд ийм байдалтай байгаа эмчид хандах нь зөв биз ээ.
Ямар ямар шалтгааны улмаас өглөөг ядрангуй угтдаг талаарх мэдээллийг хүргэе.
НОЙРНЫ ДЭГЛЭМ
Нойрны дэглэм буюу тайван унтаж амрахад нөлөөлдөг дадал зуршлууд нь нойрны чанарт нөлөөлнө. Тухайлбал,
-Тогтмол цагт унтдаггүй, сэрдэггүй
-Өдрийн цагаар удаан унтдаг
-Унтахынхаа өмнө утас эсвэл компьютерийн дэлгэцийг харах
-Хэт халуун эсвэл хүйтэн, гэрэлтэй, хэт чанга дуутай орчин
-Эвгүй гудас, дэр
ЦЭНХЭР ТУЯА
Дэлгэцээс ялгарч буй цэнхэр туяа нь нойрны даавар болох мелатонин ялгаруулалт болон унтлагын дэглэмд нөлөөлөх гормоныг сааруулдаг учраас хангалттай хугацаанд унтсан ч бие хангалттай амрахгүй, маргааш өглөөг ядрангуй угтдаг. Тиймээс унтахаас тодорхой хугацааны (2-3 цаг) өмнө утас, таблет, дэлгэцээ унтраахыг зөвлөе.
АМЬДРАЛЫН ХЭВ МАЯГ
-Дасгал хөдөлгөөн хангалттай хийхгүй байх- Тогтмол дасгал хөдөлгөөн хийх нь тайван унтаж амрахад тустай хэдий ч унтахын өмнө хийх нь нойрыг сэргээдэг талтай.
-Шөнийн цагаар босож шээх- Энэ нь өглөөг ядрангуй сэрэхэд нөлөөлдөг нэг хүчин зүйл юм. Тиймээс унтахын өмнө хэт их шингэн уухгүй байхыг зөвлөе. Энэ нь зарим тохиолдолд эрүүл мэндийн асуудлыг илтгэж болзошгүй.
-Зарим төрлийн хүнс: Унтахынхаа өмнө их идэх, тостой, халуун ногоотой хоол идэх нь хоол боловсруулах эрхтнийг хямраадаг талтай. Энэ нь нойрсох хугацаа болон чанарт нөлөөлнө.
-Унтахын өмнө кофейн уух: Кофейн нь хүний төв мэдрэлийн системийг идэвхжүүлдэг учраас унтахын өмнө хэрэглэх нь тохиромжгүй. Тиймээс хар шоколад, коффейн агуулсан бүтээгдэхүүнийг унтахын өмнө хэрэглэхээс татгалзахыг зөвлөе.
-Согтууруулах ундаа
Зөвхөн өглөөг ядрангуй угтахаас гадна бусад шинж тэмдгүүд илэрч байвал эрүүл мэндийн шалтгаантай байж болзошгүй. Тодруулбал,
НОЙРГҮЙДЭЛ
ЦУС БАГАДАЛТ
Төмөр дутагдлын шалтгаант цус багадалтын улмаас хүний бие махбод өдрийн цагаар ядарч сульдах мэдрэмж төрөхөөс гадна өглөө сэрэхэд ядрангуй байдаг.
СЭТГЭЛ ТҮГШИЛТ
Сэтгэлийн түгшүүр нь нойронд нөлөөлдөг. Өдрийн цагаар түгших нь унтсан ч бие махбод амрахгүй байхад нөлөөлнө.
АРХАГ ЯДАРГАА
СЭТГЭЛ ГУТРАЛ
Байнга уйтгарлаж, гуниглах, урьд өмнө нь таашаадаг байсан зүйлдээ сонирхолгүй болох зэргээр тодорхойлогддог энэхүү эмгэг нь бие махбодыг ядрангуй, эрч хүчгүй болгодог. Тиймээс өлөө сэрэхэд ядарч буй мэдрэмж төрүүлдэг.
ЧИХРИЙН ШИЖИН
БАМБАЙ БУЛЧИРХАЙН ЭМГЭГ
Эдгээр хүчин зүйлс өглөө сэрэхэд ядрангуй байхад нөлөөлдөг байна.
Эх сурвалж: Medicalnewstoday
