Төрийн тусгай алба хаагчдын нэгдсэн эмнэлгийн Уламжлалт анагаах ухааны тасгийн эрхлэгч, дэд хурандаа, клиникийн профессор Ш.Мөнгөнтуяа эмч “Цөс угаах арга, аргачлал” сэдвээр мэдээлэл өглөө.
– Цөсийг ямар өвчний үед угаах нь зохистой вэ?
– Архаг өтгөн хаталт, цөсний хүүдийн архаг үрэвсэл, цөсний хүүдий хүзүүгээр нугаларсан тохиолд, цөс өтгөн үед угаадаг. Цөсийг гэдсээ угаасны дараа үргэлжлүүлэн угаавал илүү үр дүнтэй. Болж өгвөл хэвлийн таргалалттай, цөсний хүүдий нь нугаларсан хүмүүс улиралд нэг удаа цөсөө угаавал үр дүнтэй. Энэ нь цөсний чулуу үүсэх, цөсний хүүхдийд цөс хуримтлагдах, арьс загатнах, хуурайших, нүүрэн дээр сэвх толбо нөсөө гарахаас сэргийлнэ.
– Цөсийг хэрхэн зөв угаах вэ. Юуг анхаарах вэ?
Цөс угаахдаа “Кука курортная”, “Оргил”, “Жанчивлан” зэрэг бэлэн савласан рашаануудыг ашиглаж болно. Эдгээр рашааны нэг литрийн савлагаатайг нэгийг бэлдэнэ. Мөн эмийн сангуудад байдаг 25 мл магни сульфат, халуун бүлээн жин тавих грилка хэрэгтэй. Хэрэв грилка байхгүй бол гэрийн нөхцөлд ундааны сав гэх мэт гарын доорх материал ашиглаж болно.
Түүнчлэн рашааны тагийг авч, газыг нь гаргаж хонуулна. Ингээд аяганд 25 мл магни сульфатаа хийгээд дээрээс нь рашаанаа /200-250 гр аяга/ хийгээд уустал хутгана. Найруулсан уусмалаа уусны дараа хажуу талаараа хэвтэн, бүлээн жингээ баруун хөхний дор байрлуулаад, баруун хөлөө нугалаад хэвлийрүүгээ шахаж өгнө. Харин зүүн хөлөө биеийн дагуу шулуун байлгана. Зүүн гараа толгойнхоо дор эвээд, толгойгоо арагш харуулан хэсэг хэвтэнэ. Үлдсэн рашаанаа баг багаар гүйлгэх мэдрэмж төртөл ууж дуусгана.
Цөс угаахын өмнөх өдөр хөнгөн хооллож 6 цагаас хойш хоол идэхгүй. Маргааш өглөө нь 6-7 цагийн хооронд цөсийг угаана. Цөс угаасны дараа зутан шөл идэх нь зүйтэй. Харин сүү сүүн бүтээгдэхүүн, хуурсан шарсан хоол, боловсроогүй хүнсний ногоо хэрэглэхгүй байхыг анхаараарай.
– Ямар хүмүүс цөсөө угааж болохгүй вэ?
– Ходоодны хурц болон архаг үрэвсэл, ходоодны шархлаат өвчлөлийн үед цөсийг угаадаггүй.
- Мөн гэдэсний хурц болон шархлаат өвчлөл
- Бүдүүн гэдэсний хурц болон шархлаат өвчлөл
- Цагаан мах эргэсэн үед цөсийг угааж болохгүй. Учир цөс угаахад ашиглаж буй магни нь ходоод, гэдсэнд хүчтэй нөлөө үзүүлдэг.
-Баярлалаа.