Та цахилгаан шат ашиглах дуртай байж магадгүй, гэхдээ шатаар явган алхах нь таны биеийг эрүүлжүүлэхэд туслах болно. Шатаар өгсөх нь бие махбодод бага ачаалал өгөх сайн дасгал бөгөөд зүрх судасны эрүүл мэндийг сайжруулахад тусалдаг (“Livestrong”-ийн хийсэн судалгаанд үндэслэв) ажээ. Шатаар өгсөх нь кардио дасгалын нэг хэлбэр тул таны зүрх, уушиг, цусны эргэлтийг сайжруулдаг байна.
“Verywell Health” сайтын мэдээлснээр шатаар өдөр бүр өгсөх нь олон давуу талтай бөгөөд илчлэг шатаах үр дүнтэй арга юм гэжээ. Судалгаагаар шатаар өгсөх нь гүйхээс илүү калори шатааж, цахилгаан шатаар явахаас долоон дахин их энерги зарцуулдаг болох нь тогтоогджээ.
Мэдээж шатаар явган алхах нь цахилгаан шатнаас илүү эрүүл мэндэд тустай тул өдөр бүр хэрэгжүүлэхэд илүүдэхгүй. Хэрэв жингээ хасахаар шийдсэн бол тогтмол дасгал хийхийн хажуугаар шатаар өгсөж байгаарай.
Шатаар өсгөхийн бусад давуу талууд
Шатаар өгсөх үед хөлний бүх булчингууд ажилладаг бөгөөд шөрмөс болоод биеийн доод хэсэгт илүү нөлөө үзүүлдэг байна. Гэхдээ санаа зоволтгүй шатаар өгсөх үед биеийн бүх хэсэг, гэдэс хүртэл хөдөлгөөнд оролцдог хэмээн мэргэжилтэн Хизер Милтон хэлжээ.
Цахилгаан шат хамаагүй тохь тухтай, цаг хэмнэдэг зүйл ч гэлээ шатаар явган өгсөх нь эрүүл мэндэд асар их ач тустай байдаг. Энэ нь стресс, нойргүйдлийг хүртэл арилгах давуу талтай аж. (“Fitness-Spell”-ээс гаргасан судалгаагаар ). Энэ нь мөн дасгал, хөдөлгөөн тэр бүр хийгээд байдаггүй хүмүүст хамгийн зохимжтой юм.
Эх сурвалж: healthdigest
