Ковидын үед өвчтөнд илрэх шинж тэмдгүүдийг арилгах, багасгахад витамин В6 чухал нөлөө үзүүлж болох талаарх судалгаа https://www.frontiersin.org/ сайтад нийтлэгджээ.
Судлаачид өмнө нь хийгдэж байсан В6 витамины чихрийн шижин, зүрх судасны өвчинд үзүүлэх нөлөөний тухай судалгаанд суурилж, уг нийтлэлийг хэвлүүлжээ.
Уг судалгаанд В6 нь дархлаа нэмэгдүүлж, үрэвсэл намдаах үйлчилгээтэй тул ковидын үеийн хэд хэдэн шинж тэмдгийг арилгахад нөлөөтэй байж болзошгүй хэмээн дурьджээ.
Олон улсын Хүнсний зөвлөлийн эрдэм шинжилгээ, хоол тэжээлийн харилцааны захирал Али Вебстер “В6 витамин хүний биед багасах үед дархлааны систем сулардаг нь олон судалгаагаар нотлогдсон хэдий ч ковидын үед уг витаминыг хэрэглэх нь шинж тэмдгийг үгүй хийдэг талаар батлагдсан зүйл одоогоор байхгүй. Тиймээс хүмүүс дархлаа дэмждэг витамин С, Д зэрэг витамины нэгэн адил В6 витаминыг тохирсон тунгаар хэрэглэх нь зүйтэй” хэмээжээ.
Эх сурвалж: https://www.healthdigest.com/
