Монголын рок, попын од “Эрос” хатагтай Т.Ариунааг мэдэхгүй хүн үгүй. Тавдугаар ангид байхдаа дуучин Оюунбилэгтэй хамтарч “Багш та” дууг хоршиж дуулдаг байв. Түүний эвлэгхэн хоолойг сонссон Л.Галмандах багш сургуулийнхаа “Нарны дуулал” хамтлагтаа оруулжээ. Харин наймдугаар ангид байхдаа анхны хит дуу болох “Арван зургаан нас”-аа дуулсан байдаг. Дунд сургуулиа төгсөөд “Соёл-Эрдэнэ” хамтлаг, “Баян Монгол” чуулгатай хамтран дуулж, 18 аймгаар аялан тоглолт хийж явсан гэдэг.
Тэрээр саяхан өөрийн пэйж хуудсандаа “Шувуу баригчийн занганаас тавигдсан Жигүүртэн мэт өөрийгөө Авар” хэмээх пост, зургийн хамт оруулсан нь олны анхаарлыг татаж буй. Түүнийг гоо сайхны хагалгаанд орсон гэж шүүмжлэх хэсэг хүмүүс байхад “Энэ хүн 30 жил хөдөлмөрч, тууштай, гоё сайхан биеэ авч явлаа. Урлагтаа болон эр нөхөртөө үнэнч, нэр цэвэр өдийг хүрлээ” гэж сэтгэгдэл үлдээсэн хүмүүс ч байна.