Биеийн дархлаа сулрах нь бүх өвчний шалтгаан. Ихэнх үрэвсэлт өвчин нь дархлаа суларсны үр дүнд идэвхжих нь бий. Дархлааны системийн үйл ажиллагаанд оролцох аливаа оролдлого нь эрсдэлтэй. Мэдээж хүнд хагалгаа, мэс ажилбар эсхүл архагшсан стрессийн дараа, организм хэт суларсан үед дархлааны системийг “засварлах” шаардлагатай. Тэгэхдээ үүнийг мэдлэгтэй хийх нь чухал. Дархлааг бэхжүүлэх талаар нэлээдгүй төөрөгдөл бий.
Витамин – Аврагч биш
Биеийн дархлааг гагцхүү өвчний үед төдийгүй цаг улирал солигдох ч юм уу, жирийн нөхцөл байдалд ч додомдох хэрэгтэй. Хүмүүс жаахан ядраад ирэхээр л элдэв витамин уугаад эхэлдэг. Ханиад томуу, ер нь дархлааг сэргээхэд витамин “С”-ийн ач холбогдлын талаар их ярьдаг. Гэтэл сүүлийн үеийн судалгаагаар витамин “С” -г байнга хэрэглэснээр дархлааны идэвхжил ерөнхийдөө 2%-иар буурдаг болох нь тогтоогджээ. Витамин нь эмтэй адил дасал болдог тул тогтмол хэрэглэх нь үр дүнгээ өгөхөө болино. Хичнээн сайн витамин ч ялгаагүй.
Дархлаа бэхжүүлэх эм нь дордуулж ч болно
Бэлэн юманд дуртай болсон өнөө үед энгийн аргаар дархлаагаа бэхжүүлэхийн оронд элдэв төрлийн дархлаа сэргээгч эм бэлдмэл уух болсон. Гэвч энэ нь хэнд ч ашиг тусаа өгөөгүй юм шүү. Харин ч бие организмд нэвтрэн орсны дараа эрүүл эд, эсийг өвчтэйд тооцон устгах аюултай. Хамгийн сайн арга нь дархлааг энгийн аргаар бэхжүүлэх нь ач тустай. Нохойн хошуу, нэрс, үхрийн нүд зэрэг антиоксидант ихтэй бараан өнгийн жимсгэнэ, өвс ургамлын цай ханд нь дархлааг бэхжүүлдэг болох нь шинжлэх ухаанаар тогтоогдсон. Мөн чийрэгжилт, эрүүл агаарт зугаалах нь дархлааг бэхжүүлнэ.