Хүүхдийн хүйсэнд тохирсон үүрэг даалгавар өгөх болон үүнийг урамшуулах нь хүүхдэд өөрийн хүн чанарыг төлөвшүүлэх талаас чухал ач холбогдолтой юм. Ялангуяа бага наснаасаа эхлэн өөрийн хүйсийг аажим аажмаар ухаарч эхэлсэн хүүхэд яваандаа хоёр хүйсний хоорондын ялгааг ойлгож эхэлнэ. Энэ ялгааг ойлгож мэдэхэд хамгийн гол үүргийг эцэг эх үлгэр жишээчээр гүйцэтгэнэ. Хувь хүний мөн чанарыг илүү их сайжруулахын тулд хүүхдэд түүний хүйсэнд тохирсон үүрэг даалгавруудыг өгөх нь зүйтэй.
Зарим тохиолдолд эцэг эхчүүд хүүхэддээ эсрэг хүйсний нэр өгөх, эрэгтэй хүүхдийн үсийг уртасгах, эмэгтэй хүүхдэд буу, сэлэм зэрэг тоглоомуудаар тоглохыг нь дэмжих, эрэгтэй хүүхдийг хүүхэлдэйгээр тоглохыг нь хүлээн зөвшөөрдөг нь бий. Ийм болон үүнтэй төстэй тохиолдолд хүүхэд өөрийн хүйсний шинж чанарыг ойлгоход хүндрэл учрах болно. Энэхүү зөрчилдөөнтэй асуудал нь өөрийн хүйсний шинж чанарыг мэдрэх талаар доголдолтой, өөрөөр хэлбэл өөрийн хүйсийн бус эсрэг хүйснийхээ онцлогуудыг эзэмших хандлагатай болдог. Үүний ижлээр эрэгтэй хүүхэд гал тогооны болон гэрийн ажил хийхэд эцэг эх их сайшаах, тэр байтугай түүнд эмэгтэй хүүхэд мэт хормогч зүүлгэх нь зохимжгүй . Эрэгтэй хүүхэд өдөр тутмын бага сага гэрийн ажилд (энэ нь бүхэлдээ эмэгтэй хүний хийдэг ажил байж болно) гэрийнхэндээ туслахад буруу зүйл байхгүйг тодотгох нь зүйтэй байх. Энд хамгийн гол нь хүүхдийн зан ааш нь хэтэрч эсрэг хүйснийхээ зан авирыг бүхэлд нь хүлээн зөвшөөрснөөр өөрийн хүйсийн зан авир мэтээр ойлгохоос сэргийлэх явдал юм.
Эцэг эхчүүд ийм тохиолдолд гэрийн ажил хийхийг нь их сайшаан урамшуулахгүй байх нь зүйтэй. Үүний яг эсрэгээр эмэгтэй хүүхдийг эрэгтэй хүүхэд мэт хувцаслах, үргэлж эрэгтэй хүүхдийн тоглоомоор тоглох, түүнд эрэгтэй хүүхдийн үүрэг оногдуулах болон хүүхдийн ийм хэлбэрийн зан аашийг өөгшүүлэх нь зохисгүй юм.
