Нийслэл Улаанбаатар хотын авто замын түгжрэлийг бууруулах Үндэсний хорооны дарга, сайд Б.Дэлгэрсайхан нийтийн тээврийн худалдан авалт болон түгжрэлийг багасгах шийдлийн талаар мэдээлэл өгөв.
Тэрбээр “Нийт 700 орчим автобус худалдаж авах олон улсын тендерийг зарлах гэж байна. Энэ онд багтаан талыг нь үйлдвэрээс нь авна. Ногоон автобусны үлдэгдэл мөнгө нийслэлд байгаа. Авто замын түгжрэлийг бууруулах хуулиа баталж, шинэ автобуснуудаа оруулж ирнэ.
Харин бусад шийдлийн тухайд гэвэл иргэд автобусандаа сууж сурах ёстой. Автобусанд сууж сургах нөлөөллийн ажлыг бид хийнэ. Машинаас нь буулгаж, автобусанд суулгаж сургах хэрэгтэй.
Нийтийн тээврийн шугамыг өөрчилнө, олон чиглэлийн автобусны давхардлыг болиулна. Нэг автобусны буудал дээр олон автобус овооролдож, түгжрэл үүсгээд байна” хэмээн ярилаа.
