Баянзүрх дүүргийн 21, 27, 29-р хорооны нутаг дэвсгэрийг хамарсан үерийн гамшиг наймдугаар сарын 5-ны өдөр боллоо.
Баянзүрх дүүргийн Газар зохион байгуулалтын албаны II хэлтсийн дарга Н.Шинэ-Оргил “Нийслэлийн Засаг даргын өгсөн үүргийн дагуу 21, 27, 29-р хороонд хамгийн ойр байрлах газар зохион байгуулахаар ажиллаж байна. Үерийн гамшигт газрын зөвшөөрөлтэй 228, зөвшөөрөлгүй 46 айл өртсөн.
Эхний ээлжинд зөвшөөрөлгүй 46 айлд төв замаас 2.5 км зайтай Богдын даваанд 5 га газар төлөвлөн, газар зохион байгуулалтын ажил хийж, эхний ээлжинд 20 айлын газрыг бэлэн болголоо. Гэрийн буурийг засаж, гэрийг нь бариад иргэддээ хүлээлгэн өгөхөөр бэлдээд байна.
Дээрх 20 айлын газрын захирамж наймдугаар сарын 9-ний өдөр гарсан. Үерт өртсөн зөвшөөрөлгүй 46 айлын зарим нь энэ байршилдаа 7-8 жил амьдарсан. Энэ үед онцгой болон цагдаагийн байгууллагаас үерийн эрсдэлтэй байршилд буусан байна, нүүх шаардлагатай гэсэн мэдэгдэл удаа дараа хүргүүлж байсан. Иргэддээ анхааруулахад амь нас, эрүүл мэндээ хамгаалж, мэргэжлийн байгууллагын зөвлөсөн байршлуудад буухыг хүсэж байна” гэв.