Нийгмийн бодлогын байнгын хорооны хуралдаанаар Нийгмийн даатгалын багц хуулийн төслийг хэлэлцлээ.Уг хуулийн төсөлд малчдын НДШ-ийн 50 хувийг төр хариуцах заалт орсон юм.
Энэ талаар УИХ-ын гишүүн С.Одонтуяа “Малчдын НДШ-ийн 50 хувийг төр төлөх талаар МАН бүлгийн хурал дээрээ гишүүдтэйгээ ярьж нэгдсэн шийдэлд хүрсэн үү. Шударга хөдөлмөр эрхэлж, татвараа төлөх гээд чадан ядан зүтгэж байгаа хүмүүсийн ажиллах урам зориг руу ус цацаж байна.
Малчин хүний нийгмийн даатгалын шимтгэлийн 50 хувийг төр төлнө гэж байна. Ямар хүнийг малчин гэж хэлэх вэ?. Төр төлнө гэхээр бүгд малчин гээд нийгмийн даатгалын шимтгэлээ төлүүлэх юм биш үү.
Сонгууль дөхөж байхад иймэрхүү хууль батлахаа болъё гэж хэлсэн. Сонгуулиар малчид дээрээ очиж сурталчилгаа хийх гэж байгаа юм уу. Би татвар төлөгч олон мянган иргэдийг төлөөлөөд сууж байгаа учраас хэлэх хэрэгтэй. Иймэрхүү шийдвэрүүд сонгодог утгаар нь эдийн засаг, зах зээл, хувь хүмүүсийн хариуцлага гэх зүйлийг байхгүй болгож байна” гэв
