Өнгөрөгч долоо хоногийн УИХ-ын чуулганы нэгдсэн хуралдаанаар Нийгмийн даатгалын багц хуулийн анхны хэлэлцүүлгийг хийсэн билээ. Уг хуульд малчдын НДШ-ийн 50 хувийг таваас доошгүй жил төр хариуцаж төлөх заалтыг тусгасан. Энэ талаар УИХ-ын гишүүн Х.Ганхуяг дараах байр суурийг илэрхийлэв.
Тэрбээр “Малчдын НДШ-ийн 50 хувийг улсын төсвөөс төлнө гэсэн заалт орсон байна. Хувиараа бизнес эрхэлж байгаа хүний НДШ-ийн 50 хувийг төсвөөс төлөөд байх юм уу. Тэгвэл тариаланч, жижиг дунд үйлдвэр эрхлэгчийг яах вэ. Малчид нийгмийн дундаж анги. Энэ заалтаа буцааж татмаар байна.
Халамж, тэтгэврээ ялгамаар байна. Яагаад мянгат малчны тэтгэврийг ипотекийн зээлтэй, лизингтэй иргэд төлөх ёстой юм. Малчдын НДШ-ийн 50 хувийг төр хариуцаж төлөх нь шударга бус байна” гэв.
